«bürküt penchisi»  herikiti

küntertip we analiz (26)

1444566
«bürküt penchisi»  herikiti

«bürküt penchisi»  herikiti

küntertip we analiz (62)

(jan ajun)

hörmetlik radiyo anglighuchilar! «küntertip we analiz» namliq pirogrammimizning bügünki bölümide  siyaset, iqtisad we jemiyet tetqiqatliri fondi jemiyiti «SETA» ning tashqi siyaset tetqiqatchisi jan ajun teripidin teyyarlanghan «liwiyede yéqinlishiwatqan ghelibe» témiliq analizni diqqitinglargha sunimiz.

**** ** ***** ***** ***** ***** ******

türkiye bir tereptin süriyede we liwiyede herbiy heriket élip bérish bilen bir waqitta yene bir tereptin, PKK térrorluq teshkilatigha qarshi küreshini dawamlashturmaqta. bu munasiwet bilen iraqning shimaliy rayonida türkiye chégrasigha parallél taghliqlarda «bürküt penchisi» namliq hawa we quruqluq herikiti bashlidi. türkiye komandir-jengchiliri hawadin sekrep élip barghan herikiti arqiliq nurghunlighan nuqtiliq choqqilarni igilidi. türkiyening yéqinqi yillardin buyanqi bixeterlik herikiti buyriqigha binaen chégra halqip, tehdit we nishanlarni yoqitish üchün térorluq teshkilatini iraq we süriye qatarliq makanlashqan uwilirida bir terep qilishni bashlidi.

türkiye uzun yillardin buyan marksizm we léninizm idiologiyesige ige bölgünchi térrorluq teshkilati PKK bilen küresh qilip kélip kéliwatqan bolup, yéqinqi yillardin buyan yéngi bixeterlik buyriqigha binaen herbiy istratégiyesini özgertti. türkiyening térorluq teshkilatigha qarshi bu yéngi istratégiyeside, teshkilat makan tutqan chégra sirtidiki rayonlar biwasite hujum nishani qilinip, tehdit türkiyege yétip kélishtin burun yoqitish meqset qiliinmaqta. buningda bolupmu térorluq teshkilatining rayondiki malimanchiliqtin paydilinip, iraq we süriyening keng rayonlirigha tarqilip orunlishiimu belgilik rol oynimaqta. bu nuqtidin türkiye hem PKK ning rayon ishghaliyitining, hem chégra sirtidiki tiransport imkaniyetliridin paydilinip, türkiye ichide térorluq hujumlarni qilishqa asas yaritishining aldini élishqa tirishmaqta.

türkiye yéqinqi yillarda bolupmu süriyede «firat qalqini», «zeytun shéxi» we «tinchliq buliqi» namliq keng – kölemlik herbiy heriketlirini élip bérish bilen birge térorluq teshkilati PKK ni biwaste iraqta hujum nishani qildi. «qeti irade» herikiti bilen bashlanghan bu jeryan «penche herikiti» we axirida «bürküt penchisi herikiti» bilen dawamlashmaqta.

türkiye iraqning shimalidiki taghliq rayonlirigha jaylashqan térrorluq teshkilatning bazilirigha hujum qilip, teshkilatning tiransport ul – eslihelirini weyran qilishqa tirishmaqta. undin bashqa yene, rayondiki égiz choqilarni kontirulluq astigha élip, iraq-türkiye we iraq-süriye liniyeside teshkilatning asan heriket qilishining aldini élishqa tirishmaqta. yene kélip térorluq teshkilati PKK ni qandil téghida qorshawgha élip, ujuqturush meqset qilinmaqta.

bir tereptin keng kölemlik herbiy heriketler élip bériliwatqan bolsa, yene bir tereptin meydandiki ünümlük ishtixbarat arqiliq teshkilatning yuqiri derijilik kattiwashliri bir terep qilinmaqta. teshkilatning qomandanliq we kontrolluq qurulmisini bitchit qilishqa tirishmaqta. bu yerde bolupmu türkiyening dölet mudapie sanaiti yasap chiqqan qoralsiz uchquchisiz ayropilanlirining intayin ünümlük halda ishlitilgenlikini körimiz. bu esliheler arqiliq türkiyening PKK térorluq teshkilatigha qarshi ilgirikige sélishturghanda téximu ünümi yuqiri kürüshlerni qilalaydighan halgha kelgenliki bir heqiqet.


خەتكۈچ: #küntertip we analiz

مۇناسىۋەتلىك خەۋەرلەر