түрк байриқи дунйаниң әң гүзәл байриқи тәкшүрүшидә биринчи рәттин орун алди

дидәм өзташбаши тәрипидин тәййарланған «биливелиң» намлиқ пирограммимизниң бүгүнки санида «түрк байриқи дунйаниң әң гүзәл байриқи тәкшүрүшидә биринчи рәттин орун алди» дегән темидики учурларни силәр билән ортақлишимиз.

1441385
түрк байриқи дунйаниң әң гүзәл байриқи тәкшүрүшидә биринчи рәттин орун алди

түркийә авази радийоси: испанийәниң йуқири тиражлиқ бир гезитиниң «дунйаниң әң гүзәл байриқи» темилиқ әлрайини синаш тәкшүрүшидә түрк байриқиниң әң йуқири авазға еришкәнликини аңлиғанмидиңиз?

4 – айда испанийәниң йуқири тиражлиқ тәнтәрбийә гезитлириниң бири «дунйаниң әң гүзәл байриқи қайси?» дегән темида әлрайи тәкшүрүши елип барған болуп, түркийә байриқи 49100 беләт билән биринчи қатардин , испанийә 18800 беләт билән иккинчи қатардин , америка байриқи 6700 билән үчинчи қатардин орун алди.

түрк байриқи һазирқи һалитигә әң йеқин шәкли билән тунҗи қетим 18- әсирдә ишлитилишкә башлиған. бу байрақни дә тунҗи қетим әң йеқин шәкилдә ишлитилгән. ейтишларға қариғанда, бу байрақтики 8 бүрҗәклик йултуз ғәлбигә символлуқ қилидиған болуп , османли дөлитиниң ғәлибә билән толған өтмүши көздә тутуп ишлитилгәникән. 1884 – йили чиқирилған түрк байриқидики сәккиз бүрҗәклик йултуз, инсанға вәкиллик қилиду, дәп қариливатқан бәш йултузлуқ һалитигә кәлтүрүлгән.

бәзиләрниң қаришичә, түрк байриқидики һилал ай ислам диниға вәкиллик қилса, бәзиләрниң қаришичә , кона түрк етиқади болған «асман илаһи» әқидисигә вәкиллик қилиду؛ йултузниң болса, мустәқиллиқниң символи икәнлики қәйт қилинмақта. бу мәниләрниң һәммиси билән бирликтә, түрк байриқи түркийә чеграси ичидә йашайватқан һәрхил етиқад вә етник арқа көрүнүшкә игә милйонлиған кишиләрни қучақлимақта.



مۇناسىۋەتلىك خەۋەرلەر