dunya putbol longqisini talishish musabiqiside tunji qétim körsitilgen qizil karta...

didem öztashbashi teripidin teyyarlanghan «biliwéling» namliq pirogrammimizning bügünki sanida «dunya putbol longqisini talishish musabiqiside tunji qétim körsitilgen qizil karta» dégen témidiki uchurlarni siler bilen ortaqlishimiz.

1432300
dunya putbol longqisini talishish musabiqiside tunji qétim körsitilgen qizil karta...

dunya putbol longqisini talishish musabiqiside tunji qétim bir türk répirning qizil karta körsetkenlikini anglighanmidingiz?

xelqara putbol longqisini talishish musabiqilirining hel qilghuch musabiqisige répirliq qilghan tunji türk répir doghan babajandur. répirliq hayatini, 1955-yili bashlighan babajan,  1974-yili myunxénda ötküzülgen olimpik tenheriket musabiqisi we 1974-yilliq dunya longqisini talishish putbol musabiqisi jeryanida wezipe ötidi. xelqara putbol longqisini talishish musabiqisi tarixida qizil karta ishlitish tüzümi 1970-yili yolgha qoyulghan bolsimu, u yili répirlar putbolchilargha qizil karta körsetmigenidi.

1974-yili , dunya longqisini talishish hel qilghuch musabiqiside tunji qétim gherbiy gérmaniye-chili musabiqiside qizil karta körsitildi. doghan babajan, chili putbolchisi karlos kaszéligha qizil karta körsitip, dunya putbol longqisini talishish musabiqisi tarixidiki tunji qizil karta körsetken répirgha aylandi. mezkur musabiqide engliyelik répir jek taylor babajanning yardemchisi bolghanidi.

babajan 1975-yilliq yawropa chémpiyonluq longqisini talishish putbol musabiqisige, 1974- we 1977-yilliri yawropa chémpiyonluq longqisini talishish yérim hel qilghuch musabiqisige, 1978-yili yawropa chémpiyonluq longqisini talishish yérim hel qilghuch musabiqisige répirliq qildi. u, xelqara putbolchilar birleshmiside 10 yil boyiche répirliq qildi, 1978-yili répirliqtin ayrildi.



مۇناسىۋەتلىك خەۋەرلەر