дунйа путбол лоңқисини талишиш мусабиқисидә тунҗи қетим көрситилгән қизил карта...

дидәм өзташбаши тәрипидин тәййарланған «биливелиң» намлиқ пирограммимизниң бүгүнки санида «дунйа путбол лоңқисини талишиш мусабиқисидә тунҗи қетим көрситилгән қизил карта» дегән темидики учурларни силәр билән ортақлишимиз.

1432300
дунйа путбол лоңқисини талишиш мусабиқисидә тунҗи қетим көрситилгән қизил карта...

дунйа путбол лоңқисини талишиш мусабиқисидә тунҗи қетим бир түрк репирниң қизил карта көрсәткәнликини аңлиғанмидиңиз?

хәлқара путбол лоңқисини талишиш мусабиқилириниң һәл қилғуч мусабиқисигә репирлиқ қилған тунҗи түрк репир доған бабаҗандур. репирлиқ һайатини, 1955-йили башлиған бабаҗан,  1974-йили мйунхенда өткүзүлгән олимпик тәнһәрикәт мусабиқиси вә 1974-йиллиқ дунйа лоңқисини талишиш путбол мусабиқиси җәрйанида вәзипә өтиди. хәлқара путбол лоңқисини талишиш мусабиқиси тарихида қизил карта ишлитиш түзүми 1970-йили йолға қойулған болсиму, у йили репирлар путболчиларға қизил карта көрсәтмигәниди.

1974-йили , дунйа лоңқисини талишиш һәл қилғуч мусабиқисидә тунҗи қетим ғәрбий германийә-чили мусабиқисидә қизил карта көрситилди. доған бабаҗан, чили путболчиси карлос касзелиға қизил карта көрситип, дунйа путбол лоңқисини талишиш мусабиқиси тарихидики тунҗи қизил карта көрсәткән репирға айланди. мәзкур мусабиқидә әнглийәлик репир җәк тайлор бабаҗанниң йардәмчиси болғаниди.

бабаҗан 1975-йиллиқ йавропа чемпийонлуқ лоңқисини талишиш путбол мусабиқисигә, 1974- вә 1977-йиллири йавропа чемпийонлуқ лоңқисини талишиш йерим һәл қилғуч мусабиқисигә, 1978-йили йавропа чемпийонлуқ лоңқисини талишиш йерим һәл қилғуч мусабиқисигә репирлиқ қилди. у, хәлқара путболчилар бирләшмисидә 10 йил бойичә репирлиқ қилди, 1978-йили репирлиқтин айрилди.



مۇناسىۋەتلىك خەۋەرلەر