tunji türk opérasining ijadi heqqide némilerni bilisiz?
didem öztashbashi teripidin teyyarlanghan «biliwéling» namliq pirogrammimizning bügünki sanida «tunji türk opérasi» dégen témidiki uchurlarni siler bilen ortaqlishimiz.
türkiye awazi radiyosi: tunji türk opérasining mustapa kamal atatürkning buyruqigha asasen ijad qilinghanliqini bilemsiz?
atatürk senet we senetkargha izchil ehmiyet bergen, ularni hörmetligenidi. türkiye jumhuriyiti deslepki yillirida , sanaet, iqtisad, maarip qatarliq nurghun sahelerdikige oxshashla senet sahesidimu zor xizmetler qilindi. 1934- yilgha kelgende , atatürk opéra ijad qilishni telep qildi.
bu telepning bir qiziqarliq sewebi bar idi. ötmüshte , esir boyiche mezhepler perqi yüzisidin düshmenlerche qoshnidarchiliq munaswiti ornitilip kelgen iranning reisi – shah riza pehlewi, türkiyege teklip qilinghanidi. ziyaretning waqti jezmleshkendin kéyin, atatürk, iran shahining sheripige bir kéchilik ziyapet teyyarlinishini, uning üchün bir opéra hazirlashni telep qildi we témisinimu özi békitip berdi. opéraning témisi, iran edebiyatining büyük pars shairi firdewsining meshhur shahname esiridin élinghanidi, opérani libretto, munir hayri egeli teripidin yézildi. opérani notilashturush wezipisi bolsa, emdila yigirme yette yashqa kirgen ehmet adnan saygungha tapshuruldi. u, bu eserni nahayiti qisqa waqit ichide, yeni ikki aygha yéqin waqit ichide pütküzdi.
özsoy opérasi 1934-yili 6-ayning 19-küni bu eserni enqerede tunji qétim orundidi.
