алтун зибу – зиннәт ишләпчиқириши вә түркийәниң дунйадики орни
дидәм өзташбаши тәрипидин тәййарланған «биливелиң» намлиқ пирограммимизниң бүгүнки санида «алтун зибу – зиннәт ишләпчиқириши вә түркийәниң дунйадики орни» дегән темидики учурларни силәр билән ортақлишимиз.
түркийә авази радийоси: түркийәниң алтун зибу – зиннәт пишшиқлап ишләштә дунйаниң бәшинчи дөлити, ишләпчиқиришта болса алдинқи 3 дөлитиниң бири икәнликини аңлиғанмидиңиз?
дунйаниң алтун зибу-зиннәт ишләпчиқиришта алдинқи үч дөлитиниң бири болған түркийә, әнәниви изларға игә йеңилиқчи лайиһәлири вә заманиви техникилардин пайдилинип ишләпчиқарған мәһсулатлири арқилиқ өзгичиликини намайан қилмақта. зәгәрчилик саһәсидә һәр йили 400 тонна алтун, 200 тонна күмүшни пишшиқлап ишләйдиған түркийә, һиндистан, хитай, америка вә русийәни өз ичигә алған әң чоң бәш базарниң бири. ишләпчиқиришта болса, һиндистан вә италийә билән бирликтә алдинқи үч дөләтниң бири һесаблиниду.
алтун зибу - зиннәт ишләпчиқиридиған дуканларниң көпинчиси истанбулға җайлашқан болсиму, әнқәрә вә измирдиму зор миқдарда ишләпчиқириш елип берилиду. истанбулдики зибу - зиннәт ишләпчиқириш вә сетиш мәркизи болған чоң базар (капали чарши - йепиқ базар) да, нурғунлиған лайиһәлигүчиләр устаз - шагирт мунасивити билән тәрбийәлинип, зибу - зиннәт йасашниң инчикә нуқтилирини өгиниду. чоң базар бүгүн дунйа маркилири топлимиға киргән лайиһәләрни вуҗудқа чиқарған зәргәрләргиму илһам мәнбәси болушни давамлаштурмақта.
