türklerning özige xas ichimliki - salep

töwende didem öztashbashi teripidin teyyarlanghan «biliwéling» namliq pirogrammimizning bügünki sanida «salep» toghrisidiki uchurlarni siler bilen ortaqlishimiz.

türklerning özige xas ichimliki - salep

türklerning özige xas ichimliki - salep

türklerning özige xas ichimliki bolghan salepning orkide yiltizidin yasilidighanliqini anglighanmidingiz?

orkide déyilgen haman insanning eqlige tropik belbaghda ösidighan gül – chéchekler kélidu.  halbuki, türkiye yawropa we ottura sherqning eng köp tebiiy orkide yétishidighan dölitidur.

anadoluda orkide türliri omumen «salep» yaki «shalep» dégendek isimlar bilen atilidu. salep sözi qedimki anadolu tilliridin kelgen bir söz bolup, shépa bolush, yaxshilash dégendek uqumlarni bildüridu. minglarche yildin buyan anadolu insanliri orkide türliridin yémeklik we dora qilish niyitide salep yasighanliqi üchün, bu ösümlükning ismi salep dep atilip qalghan.

140 xilgha yéqin orkide türi yétishidighan türkiye zéminliridiki bu orkidelerning 40 xilgha yéqini anadolu zéminlirigha xas yerlik ösümlük türidur. köp uchraydighan, anadoluda salep yaki salep chéchiki dep atilidighan yerlik ösümlüklerdin «daktylorhiza osmanika» namliq orkidelerning yiltizliri salep yasashta ishlitilidu. may we iyun aylirida qizil renglik échilidighan bu orkidelerning yiltizliri gümüshxane etrapida soqulup tozgha aylandurulghandin kéyin, süt bilen pishurulup uzuqluq süpitide istémal qilinidu. bu orkide tunji bayqalghan we eng muhim yétishish jaylirining biri qahramanmarashning elbistan nahiyesidur. bu orkidedin yasalghan salep hem qishta qiziq halette istémal qilinidu, hem marash muz qaymiqigha sélinip, uninggha özgiche tem qétilidu.

 

menbe: munasiwetlik tor betler


خەتكۈچ: salep , ichimlik , türkiye

مۇناسىۋەتلىك خەۋەرلەر