түркләрниң өзигә хас ичимлики - саләп

төвәндә дидәм өзташбаши тәрипидин тәййарланған «биливелиң» намлиқ пирограммимизниң бүгүнки санида «саләп» тоғрисидики учурларни силәр билән ортақлишимиз.

түркләрниң өзигә хас ичимлики - саләп

түркләрниң өзигә хас ичимлики - саләп

түркләрниң өзигә хас ичимлики болған саләпниң оркидә йилтизидин йасилидиғанлиқини аңлиғанмидиңиз?

оркидә дейилгән һаман инсанниң әқлигә тропик бәлбағда өсидиған гүл – чечәкләр келиду.  һалбуки, түркийә йавропа вә оттура шәрқниң әң көп тәбиий оркидә йетишидиған дөлитидур.

анадолуда оркидә түрлири омумән «саләп» йаки «шаләп» дегәндәк исимлар билән атилиду. саләп сөзи қәдимки анадолу тиллиридин кәлгән бир сөз болуп, шепа болуш, йахшилаш дегәндәк уқумларни билдүриду. миңларчә йилдин буйан анадолу инсанлири оркидә түрлиридин йемәклик вә дора қилиш нийитидә саләп йасиғанлиқи үчүн, бу өсүмлүкниң исми саләп дәп атилип қалған.

140 хилға йеқин оркидә түри йетишидиған түркийә земинлиридики бу оркидәләрниң 40 хилға йеқини анадолу земинлириға хас йәрлик өсүмлүк түридур. көп учрайдиған, анадолуда саләп йаки саләп чечики дәп атилидиған йәрлик өсүмлүкләрдин «дактйлорһиза османика» намлиқ оркидәләрниң йилтизлири саләп йасашта ишлитилиду. май вә ийун айлирида қизил рәңлик ечилидиған бу оркидәләрниң йилтизлири гүмүшханә әтрапида соқулуп тозға айландурулғандин кейин, сүт билән пишурулуп узуқлуқ сүпитидә истемал қилиниду. бу оркидә тунҗи байқалған вә әң муһим йетишиш җайлириниң бири қаһраманмарашниң әлбистан наһийәсидур. бу оркидәдин йасалған саләп һәм қишта қизиқ һаләттә истемал қилиниду, һәм мараш муз қаймиқиға селинип, униңға өзгичә тәм қетилиду.

 

мәнбә: мунасивәтлик тор бәтләр



مۇناسىۋەتلىك خەۋەرلەر