4 – нөвәтлик хәлқара көчмәнләр әнәнивий тәнтәрбийә паалйәтлири

йавро асийаниң күнтәртипи (04)

4 – нөвәтлик хәлқара көчмәнләр әнәнивий тәнтәрбийә паалйәтлири

4 – нөвәтлик хәлқара көчмәнләр әнәнивий тәнтәрбийә паалйәтлири

 

4нөвәтлик хәлқара көчмәнләр әнәнивий тәнтәрбийә паалйәтлири

 

 «йавро асийаниң күнтәртипи» намлиқ пирограммимизниң бүгүнки бөлмидә, бу йил бурсада өткүзүлидиған 4нөвәтлик хәлқара көчмәнләр әнәнивий тәнтәрбийә паалйәтлириниң түркийәгә болған мәнпәәтлири үстидә тохтилимиз.

***** ***** *** **** *** *****

дәрвәқә 3нөвәтлик хәлқара көчмәнләр әнәнивий тәнтәрбийә паалйәтлири 2018йили 2- синтәбирдин 8 - синтәбиргичә қирғизистанда өткүзүлгән иди. 2020йили 17йанварда қирғизистан күлтүр, үчүр вә сайаһәт ишлири министири азамәт җаманқолув кейинки нөвәтлик әнәнивий тәнтәрбийә паалийәтлириниң изниктә өткүзүлишини елан қилған иди. бу мунасивәт билән хәлқара көчмәнләр әнәнивий тәнтәрбийә паалйәтлириниң түркийәгә қандақ пайдиларни елип келидиғанлиқи һәққидә анализлиримизни диққитиңларға сунмақчимиз.

түркийәгә нисбәтән 4нөвәтлик хәлқара көчмәнләр әнәнивий тәнтәрбийә паалйәтлириниң нурғунлиған конкерт пайдилири бар. түркийә хәлқиниң бу йеңи тәнтәрбийә түригә қизиқиши вә өзләштүриши ениқла гәп. анадолу хәлқиниң бу тәнтәрбийәләрни өзләштүриши башқа түркий җумһурийәт хәлқлири билән йеқинлишишини ишқа ашуриду. бу паалийәт түркий хәлқләрниң өзлирини дунйаға тонутиши үчүнму йахши бир пурсәт йаритип бериду. алдинқи паалийәткә 3000 дин артуқ тәнтәрбийәчи қатнашқан, 37 хил тәнтәрбийә түри бойичә мусабиқиләр өткүзүлгән иди. бу қетимқи паалийәткә болса, әң аз дегәндиму 5000 тәнтәрбийәчиниң қатнишиши пиланланмақта. әрәб дунйаси вә африқиниңму әнәнивий тәнтәрбийә түрлири бойичә түркийәдә өткүзүлидиған мусабиқиларға қатнаштурулиши түркийәгә пайдилиқ. түркийә саһибхан болуш сүпити билән һазирғичә хәлқара көчмәнләр әнәнивий тәнтәрбийә паалйәтлиригә қатнашмиған бирақ көчмәнлик өтмүши болған хәлқ вә дөләтләрни хәлқара көчмәнләр әнәнивий тәнтәрбийә паалйәтлиригә тәклип қилип, мәзкур дөләтләр билән йеңи ортақ нуқтиларни алдинқи қатарға чиқаралиши мумкин.

хәлқара көчмәнләр әнәнивий тәнтәрбийә паилийәтлири, хәлқара қишлиқ вә йазлиқ олимпик мусабиқилириға нисбәтән иккинчи бир түргә айлиниш күчигә игә. дунйаниң охшаш болмиған йәрлиридә өчмәй келиватқан уруш отлири бәлки түркийәниң рәһбәрликидики бу йеңи һәрикәтниң қолида көтүрүлгән соғук муз сулири билән өчиши, тинчлиқ вә қериндашлиқ мирасини йашнитиши мумкин. 

түркийә 4- нөвәтлик хәлқара көчмәнләр әнәнивий тәнтәрбийә паалийәтлиригә қатнишидиған дөләтләрниң рәһбәрлирини ечилиш мурасимлириға тәклип қилип, ғәйри рәсмий бирләшкән дөләтләр йиғини ачалиши вә бу арқилиқ мәвҗут дунйа системисидин мәмнун болмиған дөләтләрниң мәсилилирини қайтидин охшаш болмиған мунбәрләр арқилиқ кәнтәртипкә елип чиқалиши мумкин.

бу қетимқи тәнтәрбийә паалийәтлиригә 60 йаки 70 миң әтрапида сайаһәтчиниң келидиғанлиқини нәзәрдә тутқинимизда, җуғрапийәлик орни җәһәттики әвзәлликини ишқа селип түркийә аз дегәндиму 100 миң чәт әллик сайаһәтчини җәлп қилалиши мумкин. қисқиси хәлқара көчмәнләр әнәнивий тәнтәрбийә паалийәтлири сайаһәт саһәсигә йеңи бир көзнәк бәхш әткүси.

******* ** ** ****** ** *****

бу паалийәт түрк тилида сөзлишидиған дөләтләр кеңишиниң орниниң мустәһкәмлинишигиму зор төһпә қошмақта. түрк тилида сөзлишидиған дөләтләр кеңиши бу сайида түрк җумһурийәтлириниң авазини дунйаға техиму йаңрақ шәкилдә аңлиталайду. истанбулдики түрк тилда сөзлишидиған дөләтләр кеңиши ишханиси 2020йилида өткүзүлидиған хәлқара көчмәнләр әнәнивий тәнтәрбийә паалийәтлиригә халисанә вә вақитлиқ хизмәт қилидиған хадимлар санини ашуруп, алақидар хизмәтләрни техиму көп тәрәплимилик елип беришни ишқа ашурушқа башлиши лазим.

хәлқара көчмәнләр әнәнивий тәнтәрбийә паалийәтлири пәқәт тәнтәрбийә паалийәтлири биләнла чәклинип қалмастин, күлтүр, сәнәт саһәсидиму һәр хил паалийәтләргә саһибханлиқ қилмақта. түркийә 4нөвәтлик хәлқара көчмәнләр әнәнивий тәнтәрбийә паалийәтлири даирисидә, күлтүр, сәнәт саһәсидә өткүзүлидиған паалийәтләрниң системилишишиға зор төһпә қошалайду.

түркийә тарих тәтқиқат оргини йаки башқа мунасивәтлик органлар түрк академийәси билән ортақлашқан һалда 4нөвәтлик хәлқара көчмәнләр әнәнивий тәнтәрбийә паалийәтлири даирисидә чоң конферанс вә қурултай өткүзсиму болиду. күчмәнлик мәдәнийитигә игә түркләрниң орни, көчмәнлик пәлсәписиниң инсанийәткә бәхш әткән шундақла кәлгүсигә қаритилған мәнпәәтлири һәққидә дунйаниң алдинқи қатардики билим адәмлири вә мутәпәккүрлирини бир йәргә җәм қилип, түркийәгә йеңи нишанларни йаритип берәлиши мумкин.

алдинқи паалийәт 60 дөләттә нәх мәйдандин улап тарқитлған вә 56 дөләттин 604 мухбир паалийәтләрни тәқиб қилған иди. бу қетимқи паалийәтләрни болса, 100 дин артуқ дөләттә нәх мәйдандин улап көрситилишини вә 100 дин артуқ дөләтниң мухбирлириниң тәқиб қилишини ишқа ашуруш тамамән мумкин. бу арқилиқ хәлқара көчмәнләр әнәнивий тәнтәрбийә паалийәтлири аләмшумул бир тәнтәрбийә паалийитигә айлиниду вә паалийәтни бундақ йуқири сәвийәгә чиқарған дөләт түркийә болиду. түркийәниң түрк мираслириға әң йахши шәкилдә игә чиқиши вә дунйаға тонутиши түрк җумһурийәтлири вә хәлқлири билән болған мунасивәтлириниму тәрәққий қилдуруп, анадолуни түрк хәлқлиригә нисбәтән бир җәзбдарлиқ мәркизигә айландүрүшни давамлаштурғуси. 



مۇناسىۋەتلىك خەۋەرلەر