déngizchiliq muzéyining beshiktashta échilishining sewebi
didem öztashbashi teripidin teyyarlanghan «biliwéling» namliq pirogrammimizning bügünki sanida «déngizchiliq muzéyi» gha dair uchurlarni siler bilen ortaqlishimiz.
türkiyening tunji we birdinbir déngizchiliq muzéyining istanbulning beshiktash rayonida ikenlikini anglighanmidingiz?
türkiyening tunji we birdinbir déngizchiliq muzéyining istanbulning beshiktash rayonida échilishi bir tasadipiyliq emes. osmanli déngiz qisimliri 16 – esirdin 19 – esirning otturilirighiche heryili bahar éyida beshiktash portidin yürüshke atlinatti. ghayet zor hejimlik yelkenlik urush kémiliri yürüshke atlinishtin burun portqa kélip bir qanche kün turghandin kéyin murasimlar bilen yolgha sélinatti. osmanli déngizchiliqida bir enenige aylanghan bu murasimlar, beshiktashning déngizchiliq tarixida özgiche orungha ige bolushini kapaletke ige qildi.
16 – esirde dangliq türk déngizchi barbaros hayrettin pasha beshiktash éqinining béshigha jame we medrise saldurdi. wapatidin kéyin mimar sinan teripidin beshiktash meydanigha saldurulghan meqberege depne qilindi. bu katta déngizchigha bolghan hörmet déngizchilar bilen beshiktash arisida köngül rishtisi peyda qildi. shu wejidin türkiyening tunji we birdinbir déngizchiliq muzéyining 1961 – yilidin buyan beshiktashta mewjutluqini dawamlashturuwatqan bolushi déngizchiliq tarixi nuqtisidin özgiche menilerge igidur.
