чарвичи салатаси

«чарвичи салатаси» тәййарлаш усули.

чарвичи салатаси

чарвичи салатаси

түркийә авази радийоси: дунйаниң һәммила йеридә таамлар ичидә зади кәм болса болмайдиған ләззәтләрдин бири салатадур. салата тәййарлаш  үчүн керәклик болған материйаллар болса, милләтләрниң йемәк – ичмәк мәдәнийитиниң охшимаслиқиға қарап пәрқлиқ болиду. әмма «түрк салаталири арисида һәммә  әң йахши билидиған, әң көп истемал қилинидиған салата қайси?» дәп сорисиңиз, «чарвичи салатаси» дәп җаваб беримиз. асаслиқ материйаллири пәмидур, тәрхәмәк, көкмуч вә пийаздин тәшкил тапидиған «чарвичи салатаси», болупму шу көктатлар мол һәм ләззәтлик болидиған йаз айлирида дастиханларниң төридин орун алиду.

бүгүнки пирограммимизда, һәм тәййарлинииши интайин қолай, һәм ләззәтлик  болған, «чарвичи салатаси» тәййарлаш усули һәққидә мәлумат беримиз.

«чарвичи салатаси» тәййарлаш үчүн керәклик болған материйаллар төвәндикичә:

  • 4 данә оттириһал чоңлуқтики пәмидур
  • үч данә көкмуч
  • икки данә оттириһал чоңлуқтики тәрхәмәк
  • бир данә чоң пийаз
  • бир бағлам йумғақсүт
  • бәш қошуқ зәйтун йеғи
  • төт қошуқ лимон сүйи
  • йерим қошуқ туз

«чарвичи салатаси» тәййарлаш усули төвәндикичә:

  • алди билән, пәмидурларни сойуп, шекәр шәклидә тоғраң.
  • тәрхәмәкләрниң постини сойуп, пәмидурларға мас келидиған шәкилдә кичик – кичик қилип кесиң.
  • көкмучларни оттиридин йерип, уруқлирини еливәткәндин кейин, ушшақ тоғраң.
  • йумғақсүтни инчикә тоғраң.
  • пийаздин башқа материйалларниң һәммисини салата қачисида арилаштуруң вә үстигә тоғралған қуруқ пийазларни илавә қилиң.
  • салатаниң тәм тәңшигүчини тәййарлаш үчүн؛ зәйтун йеғи, лимон сүйи вә тузни кичик бир қачида айрилаштуруң, андин салатаниң үстигә төкүп, арилаштуруң.


مۇناسىۋەتلىك خەۋەرلەر