чарвичи қорумиси

«чарвичи қорумиси» етиш усули.

чарвичи қорумиси

чарвичи қорумиси

түркийә авази радийоси: ривайәт қилинишичә, түрк таамлири арисида тәййарлиниши қолай, ләззәтлик бир таам болған «чарвичи қорумиси», чарвичиларниң йезилардин йирақтики вақитлирида бималал һалда етәләйдиғанлиқи үчүн, шундақ дәп аталғанмиш.

бүгүнки пирограммимизда, болупму пәмидур вә муч көп ишлитилиш арқилиқ ләззәтләндүрүлүп етилидиған, «чарвичи қорумиси» етиш усули һәққидә мәлумат беримиз.

«чарвичи қорумиси» етиш үчүн керәклик болған материйаллар төвәндикичә:

  • бир қошуқ сериқ май
  • бир қошуқ аптаппәрәс йеғи
  • 750 гирам пақлан гөши
  • 15 – 20 данә йешил пийаз
  • 4 – 5 данә самсақ
  • 4 – 5 данә италийә мучи
  • туз
  • қаримуч
  • қизилмуч
  • 3 данә пәмидур
  • бир истакан гөш сүйи
  • қуруқ чөл рәйһини
  • бир данә пийазниң сүйи
  • 30 миллилетир алма аччиқсүйи

«чарвичи қорумиси» етиш усули төвәндикичә:

гөшләрни бир қачиға қойуп, үстигә пийазниң сүйи, алма аччиқсүйи, туз, қаримуч қатарлиқларни илавә қилиң, андин тоңлатқуға селип, 20 минут күтүң.

бу арилиқта, аптаппәрәс йеғи билән сериқ майни исситиң.

гөшләрни йағқа чилиғандин кейин, сүзүп, йағда 15 минут оттуриһал отта қоруң.

йешил пийаз билән самсақни илавә қилип, бәш минут қоруң.

чоң – чоң тоғралған мучларни илавә қилип, бәш минут қоруң.

пәмидурларни шекәр шәклидә тоғрап, йәнә бәш минут қоруң.

гөш сүйи билән қуруқ чөл рәйһинидин башқа дора – дәрманларниму илавә қилип, отни бираз пәсәйтиң.

қазанниң тувиқини йепиң вә таки гөшләр йумшиғанға қәдәр 40 минуттәк пишуруң.

очақтин елиштин бурун, үстигә қуруқ чөл рәйһини сепип, истемал қилсиңиз болиду.



مۇناسىۋەتلىك خەۋەرلەر