kordlar siyasiyiti

küntertip we analiz (/2019/35)

kordlar siyasiyiti

kordlar siyasiyiti

 

kordlar siyasiyiti

radiyo anglighuchi éziz dostlar! «küntertip we analiz» namliq pirogrammimizning bügünki bölümide, enqere yildirim beyazit uniwérsitéti siyasiy penler fakultétining mudiri  qudret bulbul teripidin teyyarlanghan «kordlar siyasiyiti»heqqide toxtilip ötimiz.

::::::::::::::::::::::::::::::::::::::::::::::::::::::::::::::::::::::::::::::::::::

gherbte we türkiyede melum küchler teripidin daim dégüdek p k k ning paaliyetliri üchün, yaki p k k bilen qoyuq alaqisi bar bolghan h d p ning paaliyetliri üchün «kordlarning siyasiy herikiti», «kordlar siyasiti» dégendek atalghular ishlitilmekte. bu atalghular arqiliq bir térrorluq teshkilati we uning bilen munasiwiti bar bir siyasiy partiye goya «bir milletning herikiti» dekla tonushturulmaqta.

p k k oxshimighan döletlerde, türkiyede, süriyede, iran we iraqta her xil isimlar bilen ammiwi shekilde, köpligen gherb elliride bolsa shexsler halitide daim dégüdek térrorluq paaliyetlirini élip baridighan bir térrorluq teshkilatidur.  p k k ning bu ellerde élip bériwatqan térrorluq hujumlirida puqralar, eskerler, ayallar, balilar, hetta bowaqlar bolup, minglarche kishi öltürüldi, milyonlarche insan yurt – makanlirini terk étishke mejbur boldi we boluwatidu.  p k k ning özini xuddi ottura sherqni tizginlimekchi boluwatqan küchlerning wekilidekla körsitishke urunushini chüshengili bolushi mumkin. shuning bilen bir waqitta, türkiye, süriye, iraq we iranni parchilashqa urunup, daim dégüdek türkler we erebler bilen birlikte islamning bayraqdari bolghan kordlarni, qurdurmaqchi bolghan térrorluq döliti arqiliq israiliyening bixeterlikini qoghdashni meqset qilidighan jahangir küchlerning we ularning ketminini chépiwatqan akadémiklarning, yazghuchilarning pozitsiyelirinimu chüshengili bolushi mumkin.

emma heqiqetni  bundaq burmilashning ne réalliq bilen, ne ilmiylik bilen, ne ammiwi heriket bilen héchqandaq munasiwiti yoqtur. barliq gérmanlarni, ereblerni we türklerni birla heriketning/siyasetning wekili dep qarash qanchilik emeliyetchillik we ilmiylik bolsa, barliq kordlarghimu shundaq qarash oxshash shunchilik emeliyetchillik we ilmiylik bolsa kérek. ichide milyonlarche we oxshimighan insanlar bar bolghan jemiyetlerning hemmisini «birla jemiyet» dep qarash mustebitlarche angning bashqiche bir xil mehsulidur. «kordlar siyasiti» ni misalgha alsaq, barliq kordlar türkiyediki kordlardinla teshkil tapmaydu. türkiye bilen birlikte iran, iraq, süriye we gherb elliride yashawatqan bir millet heqqide toxtiliwatimiz. shundaq, «döletlerning siyasiti» din söz achqili bolidu. lékin qandaqmu «italiyeliklerning siyasiti», «firansiyeliklerning siyasiti» we «türklerning siyasiti» din söz achqili bolsun? meqset «türkiyediki kordlarning siyasiti» bolsa, her bir ammiwi we démokratik jemiyettikige oxshashla türkiyediki kordlarning hemmisi bir gewde halitide emes. bolupmu herbir jemiyettikige oxshashla barliq kordlarning siyasetke köngül bölüsh mejburiyiti yoqtur. saylamlarda  siyasetke köngül bölidighanlarning hemmisimu awaz bérishke qatnashmaydu, awaz béridighan kordlarning hemmisi h d p ni qollap bélet tashlimaydu. aq partiyemu kordlarning héchbolmighanda h d p chilik awazigha érishmekte. gerche HÜDAPAR herikitining awaz  bérish nisbiti töwen bolsimu, lékin bezi namayishlarda milyonlarche kishini egeshtürüwatqanliqini körimiz. bashqiche éytqanda, h d p ni qollap awaz béridighan kordlarning köunchisimu p k k ning térrorluq paaliyetlirige qarshidur.

qisqisi, bashqa héchqandaq bir jemiyet üchün eishletkili bolmaydighan bir atalghuning, xuddi bir qebile yaki bir jemiyettekla kordlar üchün ishlitilishining héchqandaq qimmiti yoqtur. chünki bu atalghu kordlarni kemsitidighan haqaretlik we idéologiyelik bir xil pozitsiyening mehsulidur.

méning qariishim shuki, türkiyediki nurghunlighan sezgür insanlargha oxshashla kordlar bilen p k k we h d p ni bir gewdileshtürmeslik lazim. h d p ning yolgha qoymaqchi bolghan siyasiti üchün zémin hazirlap bérilishi kérek. shuni alahide tekitlep ötimenki, h d p mesulliri daim dégüdek taghdiki p  k k ni qollawatqan ehwal astida manga oxshash pikir yürgüzidighanlarning tesewwurliri öz qimmitini yoqitidu. siyaset démokratiyening, erkinlikning, puqrawi hayatning emes, eksiche térrorluq teshkilati we uning mustebitlarche bésimining wasitisigha aylinip qalghan chaghda, puqrawi we démokratik sahede mangghili bolidighan yol qalmighan bolidu.

:::::::::::::::::::::::::::::::::::::::::::::::::::::::::::::::::::::::::::::::::::

undaqta, otturida anche köp murekkep ehwal mewjut bolmisa, türkiyediki melum küchlerning p k k we h d p ning siyasiy paaliyetlirini  «kordlarning  siyasiti» dek körsitishke urunushining sewebi némei bolushi mumkin? p k k néme dep jahangirlikning tiligha teslim boluwatidu? bundaq heqiqetni burmilashqa urunush ehwalliri peqet türkiyedila emes, bezi rayon döletliridimu otturigha chiqiwatqan bolushi mumkin.

aldi bilen, ademning köz aldigha kélidighan birqanche seweb üstide toxtilayli.

p k k din qorqush: kündilik hayati démokratiyeni, erkinlikperwerlikni we köp sanliqni asas qilidighan anggha ige bizge oxshighan insanlar köp halllarda térrorluq teshkilatlirining bésimlirigha,  wehimilirige anche perwa qilmaydu. chünki térrorluq teshkilatliri peqet térrorluq paaliyetlirini élip barghandila andin küntertipimizge kiridu we qisqa waqit ichide küntertipimizdin chiqip kétidu. halbuki, térrorluq teshkilatlirining wehime hem bésim peyda qilish, melum shexslerni hujum nishani qilip qorqutushtek métodliri bardur. jümlidin, barliq kordlarni «kordlarning siyasiy herikiti» atalghusi arqiliq bir qélipqa kirgüzüsh urunushlirining bir qismini  p k k peyda qilghan wehime arqiliq ipadilesh mumkin. hemmige melumki, p k k özige qarshi chiqqan we bashqiche pikir yürgüzidighan kord ziyaliyliri we puqralarni öltürmekte.

yoldash bésimi:

«kordlarning siyasiy herikiti» atalghusini ishlitidighanlarning muhim bir qismi türk solchiliri ichidiki melum jemiyetlerdur. türk solchilirining aldinqi qatarda turidighanlirining muhim bir qismi bolsa ötmüsh étibari bilen «inqilabchi» enenidin kélidu. he désila «kordlarning siyasiy herikiti» atalghusini ishlitidighan türk solchiliri ichidiki shexslerning bu gheyritini, marksist – léninist enenige tayinidighan p k k bilen «inqilabiy hemkarliq» dep atash mumkin. bu jemiyetlerning mustebitlarche anggha mayil bolushlirining yene bir sewebini bolsa, ularning özlirining asasi bolghan «inqilabchiliq enenisi» ning buyunturuqidin qutulalmasliqi, démokratik, erkinlik we ammiwiyliq qatarliq atalghularni toluq özleshtürelmesliki, dep izahlash mumkin.

türkiyege qarshi xelqaraliq küchler bilen bir gewdilishish ehwali:

he désila «kordlarning siyasiti» atalghusini ishlitidighanlarning bir qismining türkiyege qarshi xelqaraliq küchler bilen bir gewdileshkenlikini körüwatimiz. mezkur küchlerning iqtisadiy yardimigha érishken bu jemiyetler / shexshler özlirige iqtisadiy jehettin yardem bergen küchler bilen mas qedemde heriket qilmaqta.

hökümetke qarshi chiqish:

hökümetke qarshi turushning bezi ziyaliylarning pozitsiyelirini chüshinishte muhim rol oynaydighanliqini biliwalghili bolidu. bezi ziyaliylar hökümet we erdoghangha qarshi chiqish namidin, xéroin etkeschiliki bilen shughullinidighan, mesum balilarni qetl qilidighan bir térrorluq teshkilatini qollashqa qeder ishlarni qilip, heqiqettin chetnimekte.

ziyaliylarning yatlishishi:

buni «jemiyet bilen zitlishish» dep atashqimu bolidu. ziyaliylarning yatlishishi gherbtin sirtqi jemiyetlerning ikki yüz yilliq gherblishish tarixining échinishliq hékayisidur. bu échinishliq hékayini shair sezai qaraqoch, «mesel» namliq shéirida nahayiti yaxshi ipadilep bergen. osmanli impériyesi dewride, bilimini, téxnikisini öginip, öz dölitining qudret tépishigha hesse qoshsun, dep gherb ellirige oqushqa ewetilgen shexslerning köpinchisi, öz jemiyitidin yatliship ketken, gherbperes bir ziyaliygha aylanghan halda dölitige qatyqanidi. jumhuriyet dewride bolsa, öz medeniyitidin, tarixidin we kültüridin tamamen yiraqliship, gherbke teslim bolghanidi.

yighip éytqanda, solchil bir térrorluq teshkilati bolghan, asasliqi türklerdin teshkil tapidighan DHKPC  we öz millitidin yatliship ketken bir solchil partiyening paaliyetliri üchün «türk siyasiti» déyish qanchilik menige ige bolsa, p k k we h d p ning paaliyetliri üchün «kordlarning siyasiy herikiti» déyishmu shunchilik menige ige. meyli p k k wehimisi bolsun, meyli yoldash bésimi bolsun, meyli bashqa bir seweb bolsun, qisqisi, sewebi qandaq bolushidin qetiynezer,  p k k ning yaki h d p ning paaliyetlirini «kordlar siyasiy herikiti» dep qarash, erkinlikperwer, shan – shereplik we tinchliqperwer kordlargha haqarettur. özlirini «ziyaliy» dep qaraydighanlarning,  térrorizmning we jahangirlikning teshwiqatlirigha teslim bolush emes, eksiche buninggha qarshi chiqip, heqiqette ching turush mesuliyiti bardur.  

::::::::::::::::::::::::::::::::::::::::::::::::::::::::::::::::::::::::::::::::::::::

radiyo anglighuchi éziz dostlar! «küntertip we analiz» namliq pirogrammimizning bügünki bölümide, enqere yildirim beyazit uniwérsitéti siyasiy penler fakultétining mudiri  qudret bulbul teripidin teyyarlanghan «kordlar siyasiyiti»heqqide melumat berduq.


خەتكۈچ: küntertip we analiz

مۇناسىۋەتلىك خەۋەرلەر