elbasan tawa

«elbasan tawa» étish usuli.

elbasan tawa

elbasan tawa

türkiye awazi radiyosi: tarixtin buyan köpligen we herxil medeniyetlerge sahibxaniliq qilghan anadoluning tarixi nahayiti uzun, medeniyet bayliqi intayin moldur. bu bayliq elwette türk taamlirighimu chongqur tesir körsetken. shu wejidin, shimaldin jenubqiche, sherqtin gherbkiche oxshimighan matériyallar ishlitilip étilidighan özgiche taamlarni uchritisiz. sherqiy jenubiy anadolu rayonida, ereb medeniyitidin ilham alghan, téximu köp dora – dermanliq, pemidur qiyamiliq taamlar étilidighanliqini؛ gherby anadoluda, balqan rayoni we aqdéngizning taamlirining tesirini közge chéliqturisiz.  bügün silerge, mol sütlük taamlardin biri bolghan hemde balqan rayonidin kirgenlikini éytishqa bolidighan «elbasan tawa» étish usuli heqqide melumat bérimiz.

«elbasan tawa» étish üchün kéreklik bolghan matériyallar töwendikiche:

  • 4 qoshuq sériq may
  • ikki qoshuq yagh
  • bir kilogiram qoy göshi
  • 10 dane piyaz
  • yérim tatliq qoshuqi tuz
  • ikki istakan qétiq
  • ikki dane tuxumning sériqi
  • 3 – 4 istakan un
  • bir tatliq qoshuqi qizilmuch
  • yérim tatliq qoshuqi qarimuch
  • bir istakan su

«elbasan tawa» étish usuli töwendikiche:

  • aldi bilen, sériq may bilen yaghni qazanda qiziting, andin göshlerni ilawe qilip, aldi – keynini möhürleng.
  • göshler möhürlengendin kéyin piyazni ilawe qilip, 2 – 3 – minut etrapida qaynatqandin kéyin, qaynaq su bilen tuzni ilawe qiling.
  • otni peseytip, göshler taza yumshighangha qeder texminen bir saet pishurung.
  • göshler pishiwatqan chaghda, qétiq, tuxumning sériqi, un we suni bir qachida arilashturung.
  • göshler pishqandin kéyin, söngekliridin ajritip, piyaz bilen birlikte duxopkigha tizing.
  • üstige qarimuch we qizilmuchni séping.
  • unluq, qétiqliq arilashmini duxopkining ichidiki göshlerning üstige töküng.
  • taamni 180 giradusluq qiziqliqtiki duxopkigha qoyup, üsti qazarghangha qeder 25 minut etrapida pishurghandin kéyin, istémal qilsingiz bolidu.


مۇناسىۋەتلىك خەۋەرلەر