әлбасан тава

«әлбасан тава» етиш усули.

әлбасан тава

әлбасан тава

түркийә авази радийоси: тарихтин буйан көплигән вә һәрхил мәдәнийәтләргә саһибханилиқ қилған анадолуниң тарихи наһайити узун, мәдәнийәт байлиқи интайин молдур. бу байлиқ әлвәттә түрк таамлириғиму чоңқур тәсир көрсәткән. шу вәҗидин, шималдин җәнубқичә, шәрқтин ғәрбкичә охшимиған материйаллар ишлитилип етилидиған өзгичә таамларни учритисиз. шәрқий җәнубий анадолу районида, әрәб мәдәнийитидин илһам алған, техиму көп дора – дәрманлиқ, пәмидур қийамилиқ таамлар етилидиғанлиқини؛ ғәрбй анадолуда, балқан райони вә ақдеңизниң таамлириниң тәсирини көзгә челиқтурисиз.  бүгүн силәргә, мол сүтлүк таамлардин бири болған һәмдә балқан районидин киргәнликини ейтишқа болидиған «әлбасан тава» етиш усули һәққидә мәлумат беримиз.

«әлбасан тава» етиш үчүн керәклик болған материйаллар төвәндикичә:

  • 4 қошуқ сериқ май
  • икки қошуқ йағ
  • бир килогирам қой гөши
  • 10 данә пийаз
  • йерим татлиқ қошуқи туз
  • икки истакан қетиқ
  • икки данә тухумниң сериқи
  • 3 – 4 истакан ун
  • бир татлиқ қошуқи қизилмуч
  • йерим татлиқ қошуқи қаримуч
  • бир истакан су

«әлбасан тава» етиш усули төвәндикичә:

  • алди билән, сериқ май билән йағни қазанда қизитиң, андин гөшләрни илавә қилип, алди – кәйнини мөһүрләң.
  • гөшләр мөһүрләнгәндин кейин пийазни илавә қилип, 2 – 3 – минут әтрапида қайнатқандин кейин, қайнақ су билән тузни илавә қилиң.
  • отни пәсәйтип, гөшләр таза йумшиғанға қәдәр тәхминән бир саәт пишуруң.
  • гөшләр пишиватқан чағда, қетиқ, тухумниң сериқи, ун вә суни бир қачида арилаштуруң.
  • гөшләр пишқандин кейин, сөңәклиридин аҗритип, пийаз билән бирликтә духопкиға тизиң.
  • үстигә қаримуч вә қизилмучни сепиң.
  • унлуқ, қетиқлиқ арилашмини духопкиниң ичидики гөшләрниң үстигә төкүң.
  • таамни 180 гирадуслуқ қизиқлиқтики духопкиға қойуп, үсти қазарғанға қәдәр 25 минут әтрапида пишурғандин кейин, истемал қилсиңиз болиду.


مۇناسىۋەتلىك خەۋەرلەر