15-iyul milliy irade küni we fethullahchilarning xiyaniti

piroféssor doktor qudret bulbulning témigha munasiweltik analizi

15-iyul milliy irade küni we fethullahchilarning xiyaniti

15-iyul milliy irade küni we fethullahchilarning xiyaniti

2016-yili 15-iyulda fethullahchi térrorluq teshkilati herbiy-siyasiy özgirish qozghashqa urundi, bu teshkilat weqe jeryanida 253 ademni shéhit qilip, minglarche ademni yarilandurdi. bu wehmiylik weqening yüz bergenlikige del üch boldi. türkiyening xewpsizlik, istixbarat, edliyege oxshash istratégiyelik orunlirigha soqunup kirip makanlashqan fethulahchi térrorluq teshkilati ezaliri dölet organliri, dölet ayropilanliri we tankiliridin paydilinip millitimizni, türkiye büyük millet mejlisi we jumhur reislik mehkmisini bombardiman qilip, herbiy-siyasiy özgirish qozghashqa urundi. waqitning ötüshige egiship fethullahchi térrorluq teshkilatining türkiye we dunyagha nisbeten qanchilik xeterlik teshkilat ikenliki ayan bolmaqta. bügünki pirogrammimizda, fethullahchi térrorluq teshkilatining xelqarada peyda qilghan tehdit we bu teshkilatqa qarshi élishqa tégishlik tedbirler üstide toxtilip ötimiz.

fethullahchi térrorluq teshkilatining xelqardiki orni we hazirqi ehwali

türkiyege oxshash xelqarada aktyorluq rolini oynawatqan eller chong döletler teripidin yalghuz tashlap qoyulmaydu. künimizde gérmaniye 2-dunya urushidin kéyin özige mejburiy téngilghan tüzüm teripidin bashqurulmaqta. türkiyemu xéli uzun mezgilgiche  wakaletchi küchler teripidin bashquruldi. fethullahchi térrorluq teshkilati soghuq munasiwetler urushidin kéyin türkiyege mexsus peyda qilinghan yéngiche wakaletchi küch hésablinidu. türkiyening jughrapiyesi we tarixining uzunluqi nezerge élinghanda, fethullahchi térrorluq teshkilati türkiye üchün peyda qilinghan rayon xaraktérlik wakaletchi küch layihesidur. xamilyongha oxshash özgireleydighan alahidiliki we herqandaq tüzümge maslishaylaydighan xaraktéri bolghan fethullahchi térrorluq teshkilati waqitning ötüshige egiship xelqaradimu mueyyen tesir dairisi bolghan küchke aylanghanidi.

15-iyul herbiy-siyasiy özgirish qozghashqa urunush weqesining 3-yilliqida fethullahchi térrorluq teshkilatining türkiyede pütünley weyran bolup bolmighanliqi toghrisida bes-munaziriler boluwatidu. özini yoshurushqa mahir we insanlarni aldashqa usta bolup ketken bir térrorluq teshkilati heqqide éniq delil-pakit bolmighanliqi üchün, hazirche bir nerse déyelmeymiz. shunisi éniqki, bu teshkilatning heqiqiy ept- beshirisi échip tashlanghanliqi üchün, türkiyede teshkillik halda rezil ishlarni pilan qilish küchi zor derijide ajizlidi. türkiyede fethullahchi térrorluq teshkilatigha nisbeten toghra tonush shekillendi. türkiyede fethullahchi térrorluq teshkilati buningdin kéyin teshkillik halda rezil ishlarni qilalishi heqiqeten tes, lékin teshkilat ezalirining  shexs süpitide qolidin her bala kélish éhtimalliqi zor, shunga hélihem bu teshkilat zor tehdit hésablinidu.

yuqirida qeyt qilinghinidek, wakaletchi küchler  türkiyeni siyasiy jehettin  bashqurushning koyida yürüydu. shu sewebtin, fethullahchi térrorluq teshkilatigha oxshash yéngi wakaletchi küchler chiqip turidu. bu teshkilat hélihem xelqarada zor tehdit shekillendürmekte.

fethullahchi térrorluq teshkilati, p k k we daésh qatarliqlardin xelqaraliq küchler dawamliq paydilinidu. künimizde urushning mahiyiti we shekli burunqidin tamamen perqliqtur. mesilen, biyologiyelik urushlar we géni özgertilgen qurt-qongghuzlarmu yéngi urush türliri hésablinidu. p k k we daéshqa sélishturghanda géni özgertilgen fethullahchi térrorluq teshkilatining tesir dairisi téximu küchlük bolup, bu teshkilat 150 yildin köprek waqit bizning ichimizde heriket qiliwatidu. bu teshkilattin tashqi küchlerning istixbarat orunliri paydilinishqa tolimu mahir kélidu. bu teshkilat biyologiyelik qurut-qongghuzlardin perqliq halda, noqul tebiet dunyasidila emes, soqunup kirgen döletning merkizi, istixbarat, xewpsizlik, edliye we istratégiyelik orunliridimu xéli küchlük we aktip heriket qilidu. yene bir tereptin, fethullahchi térrorluq teshkilati paaliyet qiliwatqan döletler bu teshkilatining heqqiy kimliki we yüzini bilmeydu, bu teshkilatni xelq teripidin teshkillengen dini teshkilat dep qaraydu. bu döletler fethullahchi térrorluq teshkilati ezalirining istixbarat paaliyetliri bilen shughullinidighanliqidinmu xewiri yoq. bu teshkilat türkiyede meghlub bolghandin kéyin, türkiyege qarshi turup kéliwatqan solchil, p k k we ermeni guruhlar bilen til biriktürüp türkiyege ziyan sélip kelmekte.

undaqta qandaq qilish kérek?

fethullahchi térrorluq teshkilati bilen hemkarliship kéliwatqan döletlerning istixbarat teshkilatliri, bu teshkilatning xizmet pirogrammisining özlirige mas halda ishleydighanliqini we  bu teshkilattin paydilinalaydighanliqini oyliwélishi mumkin. lékin fethullahchi térrorluq teshkilati bu döletler üchünmu tehdittur. öz ailisi, döliti we jemiyiitigimu sadiq bolmighan bir térrorluq teshkilatining, bashqa bir döletke sadiq bolushini oylash qandaqmu eqilge sighidu?

türkiye 2016-yili 15-iyulda dunyagha herbiy-siyasiy özgirishke qandaq qarshiliq körsitish kérek? démokratiye, milliy irade, erkinlik we jemiyetni qandaq qoghdash lazim dégendek ishning qandaq bolushi lazimliqini toluq körsitip qoydi. türkiye birleshken döletler teshkilati, yawropa kéngishi we bashqa xelqarliq orunlar bilen démokratiye, jemiyet we erkinlikni qoghdash we kücheytish, shundaqla resmiy yaki ammiwi teshkilatlar bilen bu tejribisini ortaqlishish üchün hemkarliq ornitip, pirogramma tüzüp chiqsa bolidu. herbiy-siyasiy özgirish qozghashqa urunush weqesidin saq qaytip chiqqan türkiye büyük millet mejlisige her yili xelqara sewiyede «15—iyul milliy irade» mupakati bérilse bolidu.

türkiye fethullahchi térrorluq teshkilatigha qarshi alaqidar döletlerdiki bolupmu maarip sahesidiki paaliyetlirige qarshi aktip paaliyet élip barmaqta. lékin bu teshkilat nurghun dölette istratégiyelik orunni qolgha chüshürüwélishtin bashqa, yene bezi döletlerni tamamen kontrol astigha éliwaldi. shundaqtimu, bu döletler fethullahchi térrorluq teshkilatining choqum heqqiy mahiyitini tonup yétish üchün tirishchanliq körsitishi kérek.

jumhur reis rejep tayyip erdoghan fethullahchi térrorluq teshkilatigha qarshi izchil türde küresh qilip kelmekte. dölet organlirimizmu bashqa dölet organlirigha fethullahchi térrorluq teshkilatining türkiye üchünla emes, özliri üchünmu tehdit ikenliki toghruluq melum bérip, waqiplandurup turushi lazim. türkiye fethullahchi térrorluq teshkilatigha éghir zerbilerni bergen bolsimu, adettiki bir kishining xurapiyliqqa tolghan bir teshkilat ichide qandaq bolup mangqurtqa aylanghanliqi we batil étiqad bilen herqandaq rezil ishni qilidighan nuqtigha barghanliqi toghruluq etrapliq ilmiy xizmet téxi royapqa chiqmidi. shundaqla bu teshkilatqa kirip qalghanlar üchün anti-wirus pirogrammisi tüzüp chiqilghini yoq. herqaysi döletlerdiki aliy mektepler, tetqiqat we chüshenche orunliri, bilim we din insanliri bir yerge jem bolup, ünümlük bir pilan we pirogramma tüzüp chiqsa bolidu. türkiyediki aliy mektepler we chüshenche orunliri, bolupmu fethullahchi térrorluq teshkilati aktip heriket qiliwatqan döletlerdiki dölet orunliri bilen ortaq doklat, paaliyet we yighinlarni orunlashturup, tejrbiye almashtursa bolidu.  

bizge oxshighan jemiyetler bir ishlarni untup qélishqa aranla turimiz. bundaq wehimiylik hadisilerning qayta yüz bermesliki, tejribilerning kéyinki ewladlargha yetküzülüshi üchün türlük paaliyetler élip bérilishi lazim. bu dairide «15-iyul milliy irade küni» de shéhit bolghanlarning yurtlirida fethullahchi térrorluq teshkilatining heqqiy ept - beshirini échip béridighan muzéylar qurulup, közgezmiler orunlashturulushi kérek. bu muzéylar we körgezmilerde xelqning körsetken qehrimanliqliri, qisqiche hayat hékayiliri, shexsiy buyumliri, yéqin-yoruqlirining hésiyatliri namayen qilinsa bolidu. hetta chet ellerdimu buninggha oxshash paaliyetler élip bérilishi lazim. bolupmu türkiyening bashqa döletlerdiki elchixana we konsolxanlirida bu heqte körgezme élip bérilsa bolidu. chet eldin kelgenlerni bu xildiki muzéylarni ékskursiye qildurush üchün xizmet ishlinishi lazim.

türkiye fethullahchi térrorluq teshkilati tüpeyli zor bedellerni tölidi, shéhit berdi, tarixidiki eng rezil bir teshkilat toghruluq chongqur tonushqa we tejribige ige boldi. bu teshkilatqa éghir zerbilerni bérip halsiratti. yuqirida qeyt qilinghan paaliyetler türkiye üchünla emes, insaniyet üchünmu zörür bolghan paaliyetler hésablinidu. türkiye bu teshkilat sewebidin töligen bedelni bashqa döletlermu tölimisun, bu teshkilatining xiyanitini bashqa dölet bashtin ötküzmisun, dep zor tirishchanliq körsetmekte. türkiyening tirishchanliqini dostlirimiz we alaqidar döletler tonup yétip, éghir bedellerni tölimeslikini ümid qilimen.



مۇناسىۋەتلىك خەۋەرلەر