qabaq chéchiki dolmisi

türkiye awazi radiyosi: köktatlarning ichini toldurush yaki ösümlüklerning yapraqliri bilen bir nersilerni tügüsh arqiliq tamaq étish dunyada nahayiti keng omumlashqan tamaq étish usulliridin biridur. bundaq tamaq qilish üchün, beziler, ottura we jenubiy amérikidikige oxshash qunaq we banan yapraqlirini ishletse, yene biziler, yiraq sherqtikige oxshash palma we bambuk yapraqlirini ishtilidu. türkiyede bolsa barliq köktatlarning ichi toldurulup, tamaq qilinidu. pédigendin  kengergiche, kapustidin pemidurghiche, muchtin qabaqqiche bolghan köktatlarning ichi toldurulup tamaq étilidu. ichi toldurulup tamaq étilidighan köktatlardin biri qabaq chéchikidur. aqdéngiz ashxanilirida, italiye yaki girétsiyede qabaq chéchiki adette érimchik bilen toldurulup, qizartilish arqiliq istémal qilinidu. türkiyede bolsa tétitqular bilen béyitilghan gürüchler ishlitilidu we qazanda pishurulidu. bügün silerge, ege we aqdéngiz rayonlirida étilidighan «qabaq chéchiki dolmisi» heqqide melumat bérimiz.

«qabaq chéchiki dolmisi» étish üchün kéreklik bolghan matériyallar töwendikiche:

• 30 dane qabaq chéchiki
• ikki dane ushshaq toghralghan quruq piyaz
• bir chay qoshuqi zeytun yéghi
• bir dane rendilengen pemidur
• bir yérim istakan gürüch
• yérim istkan qaynaq su
• qariköz bediyan
• bir tatliq qoshuqi quruq pinne
• bir tatliq qoshuqi tuz
• bir tatliq qoshuqi quruq pinne
• bir tatliq qoshuqi qarimuch

«qabaq chéchiki dolmisi» étish usuli töwendikiche:

• aldi bilen, qabaq chécheklirining uchi terepliridiki yéshil qisimlirini bir – birlep chiqiring, andin chécheklerning ichidiki sériq qisimlirini yapraqlargha ziyan yetküzmestin diqqet bilen éling.
• zeytun yéghining yérimini yoghan bir qazanda issiting.
• quruq piyazlarni taki yumshighangha qeder qorung.
• gürüchni yuyup, artuq sulirini süzgendin kéyin qazangha séling, taki gürüchler üstige chiqqangha qeder piyazlar bilen birlikte qorushni dawamlashturung.
• aldi bilen, rendilengen pemidurni ilawe qiling, arqidin, qarimuch, tuz, quruq pinne qatarliqlarni ilawe qiling.
• piyazliq gürüchni yérim istakan qaynaq su bilen taki su gürüchlerge singgenge qeder asta otta pishurung.
• otni öchürgendin kéyin, dem yatquzung we soghushini kütüng.
• soghughan dolmining ichige qariköz bediyanni ilawe qilip, arilashturung.
• dolmini az – azdin élip, chécheklerning ichki qisimlirini toldurung.
• chécheklerni üsti teripidin ichki qismigha qatlap, qatlanghan teripi asti teripide turidighan shekilde qazangha séling.
• qalghan zeytun yéighini üstige sépip, dolmilarning yérimigha kelgenge qeder issiq su ilawe qiling.
• dolmilar chéchilip ketmestin pishishi üchün üstige bir texsini qoyung.
• qazanning tuwiqini yépip, 10 – 15  minut etrapida asta otta pishurung.
• xalisingiz limon tilimliri bilen birlikte issiq yaki soghuq halette istémal qilsingiz bolidu.