қабақ чечики долмиси

«қабақ чечики долмиси» етиш усули.

1235152
қабақ чечики долмиси

қабақ чечики долмиси

түркийә авази радийоси: көктатларниң ичини толдуруш йаки өсүмлүкләрниң йапрақлири билән бир нәрсиләрни түгүш арқилиқ тамақ етиш дунйада наһайити кәң омумлашқан тамақ етиш усуллиридин биридур. бундақ тамақ қилиш үчүн, бәзиләр, оттура вә җәнубий америкидикигә охшаш қунақ вә банан йапрақлирини ишләтсә, йәнә бизиләр, йирақ шәрқтикигә охшаш палма вә бамбук йапрақлирини иштилиду. түркийәдә болса барлиқ көктатларниң ичи толдурулуп, тамақ қилиниду. педигәндин  кәнгәргичә, капустидин пәмидурғичә, мучтин қабаққичә болған көктатларниң ичи толдурулуп тамақ етилиду. ичи толдурулуп тамақ етилидиған көктатлардин бири қабақ чечикидур. ақдеңиз ашханилирида, италийә йаки гиретсийәдә қабақ чечики адәттә еримчик билән толдурулуп, қизартилиш арқилиқ истемал қилиниду. түркийәдә болса тетитқулар билән бейитилған гүрүчләр ишлитилиду вә қазанда пишурулиду. бүгүн силәргә, әгә вә ақдеңиз районлирида етилидиған «қабақ чечики долмиси» һәққидә мәлумат беримиз.

«қабақ чечики долмиси» етиш үчүн керәклик болған материйаллар төвәндикичә:

  • 30 данә қабақ чечики
  • икки данә ушшақ тоғралған қуруқ пийаз
  • бир чай қошуқи зәйтун йеғи
  • бир данә рәндиләнгән пәмидур
  • бир йерим истакан гүрүч
  • йерим исткан қайнақ су
  • қарикөз бәдийан
  • бир татлиқ қошуқи қуруқ пиннә
  • бир татлиқ қошуқи туз
  • бир татлиқ қошуқи қуруқ пиннә
  • бир татлиқ қошуқи қаримуч

«қабақ чечики долмиси» етиш усули төвәндикичә:

  • алди билән, қабақ чечәклириниң учи тәрәплиридики йешил қисимлирини бир – бирләп чиқириң, андин чечәкләрниң ичидики сериқ қисимлирини йапрақларға зийан йәткүзмәстин диққәт билән елиң.
  • зәйтун йеғиниң йеримини йоған бир қазанда исситиң.
  • қуруқ пийазларни таки йумшиғанға қәдәр қоруң.
  • гүрүчни йуйуп, артуқ сулирини сүзгәндин кейин қазанға селиң, таки гүрүчләр үстигә чиққанға қәдәр пийазлар билән бирликтә қорушни давамлаштуруң.
  • алди билән, рәндиләнгән пәмидурни илавә қилиң, арқидин, қаримуч, туз, қуруқ пиннә қатарлиқларни илавә қилиң.
  • пийазлиқ гүрүчни йерим истакан қайнақ су билән таки су гүрүчләргә сиңгәнгә қәдәр аста отта пишуруң.
  • отни өчүргәндин кейин, дәм йатқузуң вә соғушини күтүң.
  • соғуған долминиң ичигә қарикөз бәдийанни илавә қилип, арилаштуруң.
  • долмини аз – аздин елип, чечәкләрниң ички қисимлирини толдуруң.
  • чечәкләрни үсти тәрипидин ички қисмиға қатлап, қатланған тәрипи асти тәрипидә туридиған шәкилдә қазанға селиң.
  • қалған зәйтун йеиғини үстигә сепип, долмиларниң йеримиға кәлгәнгә қәдәр иссиқ су илавә қилиң.
  • долмилар чечилип кәтмәстин пишиши үчүн үстигә бир тәхсини қойуң.
  • қазанниң тувиқини йепип, 10 – 15  минут әтрапида аста отта пишуруң.
  • халисиңиз лимон тилимлири билән бирликтә иссиқ йаки соғуқ һаләттә истемал қилсиңиз болиду.


مۇناسىۋەتلىك خەۋەرلەر