midas we gordion heqqide némilerni bilisiz?

didem öztashbashi teripidin teyyarlanghan «biliwéling» namliq pirogrammimizning bügünki sanida «midas we gordion» gha dair uchurlarni siler bilen ortaqlishimiz.

midas we gordion heqqide némilerni bilisiz?

midas we gordion heqqide némilerni bilisiz?

gordion qedimiy shehirining anadoludiki eng deslepki olturaq rayonlirining biri ikenlikini anglighanmidingiz?

gordion qedimiy shehiri anadoloning ichki qismigha jaylashqan eng jezbidar qedimiy sheherlerning biri hésablinidu. sheherning ötmüshi miladidin burunqi 3000 – yillarghiche sozulidu. enqerege 29 kilométir kélidighan sheherdiki qézip tekshürüsh jeryanida nahayiti köp medeniyetlerge dair yadikarliqlar tépildi.

sheher, miladidin burunqi 800 – yillarda frig padishahi gordios teripidin paytext qilinghan. uningdin kéyin padishah bolghan midas mezgilide eng parlaq dewrini bashtin kechürgen. dewrimizge sheherning heshemetlik ötmüshidin peqet öylerning ul körünüshliri miras qalghan bolsimu, yenila chong – kichik qurulushlarning qalduqlirini körgili bolidu. lékin, sheherning asasiy qurulushliridin bashqa eng diqqetni tartidighan nerse, frig padishahliri we ésilzadiler depne qilinghan qebre töpiliri peyda qilghan mislisiz körünüshlerdur. gordion etrapida mushu xilda 100 din artuq qebre bar. arisidiki eng chong qebre padishah midas üchün yasalghan midas qebrisi bolup, bu chong hejimlik qebrining ichige kirish üchün 80 métir uzunluqtiki bir tonéldin ötüshke toghra kélidu. bu yerdiki qol tegmigen yaghach qebrining örniki bashqa héchbir yerde yoq.

qedimiy sheher etrapidiki muzéyda bu yerdin tépilghan tarixiy yadikarliqlarni körgili bolidu. buningdin bashqa istanbul arxéologiye muzéyi we enqere anadolu medeniyetliri muzéyidimu gordiondin tépilghan nahayiti köp yadikarliqlarni köreleysiz.

 

menbe: munasiwetlik tor betler


خەتكۈچ: türkiye , enqere , gordion , midas

مۇناسىۋەتلىك خەۋەرلەر