мидас вә гордион һәққидә немиләрни билисиз?

дидәм өзташбаши тәрипидин тәййарланған «биливелиң» намлиқ пирограммимизниң бүгүнки санида «мидас вә гордион» ға даир учурларни силәр билән ортақлишимиз.

мидас вә гордион һәққидә немиләрни билисиз?

мидас вә гордион һәққидә немиләрни билисиз?

гордион қәдимий шәһириниң анадолудики әң дәсләпки олтурақ районлириниң бири икәнликини аңлиғанмидиңиз?

гордион қәдимий шәһири анадолониң ички қисмиға җайлашқан әң җәзбидар қәдимий шәһәрләрниң бири һесаблиниду. шәһәрниң өтмүши миладидин бурунқи 3000 – йилларғичә созулиду. әнқәрәгә 29 километир келидиған шәһәрдики қезип тәкшүрүш җәрйанида наһайити көп мәдәнийәтләргә даир йадикарлиқлар тепилди.

шәһәр, миладидин бурунқи 800 – йилларда фриг падишаһи гордиос тәрипидин пайтәхт қилинған. униңдин кейин падишаһ болған мидас мәзгилидә әң парлақ дәврини баштин кәчүргән. дәвримизгә шәһәрниң һәшәмәтлик өтмүшидин пәқәт өйләрниң ул көрүнүшлири мирас қалған болсиму, йәнила чоң – кичик қурулушларниң қалдуқлирини көргили болиду. лекин, шәһәрниң асасий қурулушлиридин башқа әң диққәтни тартидиған нәрсә, фриг падишаһлири вә есилзадиләр дәпнә қилинған қәбрә төпилири пәйда қилған мислисиз көрүнүшләрдур. гордион әтрапида мушу хилда 100 дин артуқ қәбрә бар. арисидики әң чоң қәбрә падишаһ мидас үчүн йасалған мидас қәбриси болуп, бу чоң һәҗимлик қәбриниң ичигә кириш үчүн 80 метир узунлуқтики бир тонелдин өтүшкә тоғра келиду. бу йәрдики қол тәгмигән йағач қәбриниң өрники башқа һечбир йәрдә йоқ.

қәдимий шәһәр әтрапидики музейда бу йәрдин тепилған тарихий йадикарлиқларни көргили болиду. буниңдин башқа истанбул археологийә музейи вә әнқәрә анадолу мәдәнийәтлири музейидиму гордиондин тепилған наһайити көп йадикарлиқларни көрәләйсиз.

 

мәнбә: мунасивәтлик тор бәтләр



مۇناسىۋەتلىك خەۋەرلەر