«аста шәһәр» һәққидики қизиқарлиқ учурлар...

дидәм өзташбаши тәрипидин тәййарланған «биливелиң» намлиқ пирограммимизниң бүгүнки санида «аста шәһәр» дегән темини силәр билән ортақлишимиз.

«аста шәһәр» һәққидики қизиқарлиқ учурлар...

«аста шәһәр» һәққидики қизиқарлиқ учурлар...

дунйада күчлүк қизиқиш қозғаватқан «аста шәһәр» (Cittaslow) һәрикитигә түркийәдинму әза болған шәһәрләрниң барлиқини аңлиғанмидиңиз?

1999 – йили оттуриға чиққан аста шәһәр (Cittaslow) пикри, нөвәттә пүткүл дунйаға тарқалди. бир шәһәрниң бу нам билән атилиши үчүн, йәтмиш хил шәртни һазирлиған болуши тәләп қилиниду. баһалашта муһит, үстқурулма, шәһәр һайати, сайаһәтчилик сийасити қатарлиқ һәрхил саһәләр билән биргә, сәнәт, иҗтимаий җәһәттики өзара маслиқ, меһмандостлуқ дегәндәк сийасәтләрму асас қилиниду. пәқәт нопуси 50 миңдин төвән йәрлик орунларла толуқ әза болалайдиған аста шәһәр тори үчүн бекитилгән өлчәмләр, бир шәһәрдә давамлаштурушқа болидиған җимҗит турмуш муһити йаритишни нишан қилиду.

аста шәһәр ториға әза шәһәрләр хәлқара өлчәмләргә асасән тәкшүрүлиду вә шәртләргә чүшкән тәқдирдә, аста шәһәрниң пиланлиқ иқтисадий чекиниш һәрикити билән бирликтә ортақлашқан логоси «қулулә байриқи» ни ләпилдитиш салаһийитигә игә болиду. түркийәниң тунҗи болуп аста шәһәр унванини алған шәһири измирниң сәфәрһисар наһийәсидур. 2009 – йилида аста шәһәр, дәп қобул қилинған сәфәрһисардин кейин, муғланиң ақйақа, испартаниң әғирдир, чанаққәләниң гөкчәада, синопниң гәрзә, болуниң гөйнүк, шанлиурфаниң халфәти, болуниң мудурну, ордуниң пәршәмбә, артвинниң шавшат, сакарйаниң тарақли, әрзурумниң узундәрә, қирқларәлиниң визә, испартаниң йалвач, айдинниң йәнипазар, муғланиң көйҗәғиз вә битлисниң аһлат шәһәрлириму һазирғичә «аста шәһәр» униванини алған шәһәрлиримиздур.


خەتكۈچ: аста шәһәр

مۇناسىۋەتلىك خەۋەرلەر