«mutanjana» étish usuli

türk taamliridin «mutanjana» étish usuli.

«mutanjana» étish usuli

«mutanjana» étish usuli

türkiye awazi radiyosi: türkler, ottura asiyadin anadolugha köchkendin  kéyin anadoluda selchuiiylar impériyesi we osmanli impériyesi qatarliq impériyelerni qurdi, buning türtkiside oxshimighan qewmler bilen medeniyet almashturush pursitige érishti. buninggha egiship, türklerning yémek – ichmeklirining türimu közge körünerlik derijide béyidi. bügünki kündimu amérikidin xitayghiche, rusiyedin afriqighiche dunyaning köpligen rayonlirida osmanli impériyesige ait lezzetlik taamlarning izlirini uchritish mumkin. gerche osmanli impériyesi künimizde emeliyet jehettin mewjut bolmisimu, lékin, osmanli impériyesige xas taamlar dunyaning köpligen ashxanilirida hem téxnikiliri, hem yémekliri, hemde medeniyiti bilen birge yashimaqta.  bügün silerge osmanli impériyesi dewridin qalghan taamlardin biri bolghan «mutanjana» ni tonushturimiz.    

«mutanjana» étish üchün kéreklik bolghan matériyallar töwendikiche:

  • 800 giram paqlan göshi
  • 100 giram kichik toghralghan piyaz
  • 50 giram badem méghizi
  • 50 giram örük
  • 50 giram quruq enjur
  • 50 giram alucha qéqi
  • ikki qoshuq sériq may
  • ikki qoshuq hesel
  • tuz
  • ikki istakan issiq su
  • ikki chay qoshuqi mesttiki rumi

«mutanjana» étish usuli töwendikiche:

  • aldi bilen, yoghan bir qazanda sériq mayni ériting, andin sériq maygha göshni ilawe qilip, taki göshning süyi qalmighangha qeder qorung.
  • arqidin ushshaq toghralghan piyazlarni ilawe qilip, 2 – 3 minuttek qorung.
  • issiq suni ilawe qilghandin kéyin, asta otta 45 minuttek pishurung.
  • üzüm,  alucha qéqi, hesel, tuz qatarliqlarni ilawe qilip, yene 5 minut pishurung.
  • bashqa bir qazanda qaynaq suda pishurulghan bademni, ushshaq toghralghan enjurlarni we örükni mayda qorung.
  • aldi bilen, mayda qorulghan méwe – chéwilerni göshke ilawe qiling,  andin, birlikte birqanche minut pishurung, arqidin istémal qilsingiz bolidu.  


مۇناسىۋەتلىك خەۋەرلەر