türkiyening tunji déngiz muzéyi

didem öztashbashi teripidin teyyarlanghan «biliwéling» namliq pirogrammimizning bügünki sanida «türkiyening tunji déngiz muzéyi» gha alaqidar uchurlarni siler bilen ortaqlishimiz.

türkiyening tunji déngiz muzéyi

türkiyening tunji déngiz muzéyi

türkiyening tunji déngiz muzéyining 1897 – yili qurulghanliqini anglighanmidingiz?

türkiyening tunji déngiz muzéyi, 1897 – yili öz dewrining behriye (déngiz armiye)  naziri hasan hüsnü pashaning buyruqigha asasen istanbul qasimpashada quruldi. 1914 – yili behriye naziri bolghan jemal pasha, muzéyda islahat élip bérip, muzéyning ilmiy shekilde qaytidin tertipke sélinishi üchün, déngiz armiye eskiri yüz béshi ressam ali sami boyarni muzéyning mudirliqigha teyinlidi. boyar, türk paraxotlirining toluq we yérim modéllirini yasash üchün karxana qurup, muzéyning tereqqiyatigha muhim töhpe qoshti.

ikkinchi dunya urushi mezgilide muhapizet qilinish üchün anadolugha yötkelgen tarixiy yadikarliqlar, urushtin kéyin yene bu yerge keltürüldi. muzéy 1949 – yili dolmabahche jamesi kulliyesige, u yerdin beshkitashtiki bügünki ornigha yötkeldi.

seltenet qéyiqliri, kéme modélliri, bayraqlar, déngiz armiyesi eskerlirining formiliri, qolyazmilar, xeritiler, resimler, hediyeler, qatnash wasitiliri bilen her xil qorallar körgezme qilinghan istanbul déngiz muzéyi türkiyede qurulghan tunji herbiy muzéy hésablinidu.

 

menbe: alaqidar tor betler


خەتكۈچ: türkiye , déngiz , muzéy

مۇناسىۋەتلىك خەۋەرلەر