түркийәниң тунҗи деңиз музейи

түркийәниң тунҗи деңиз музейиниң 1897 – йили қурулғанлиқини аңлиғанмидиңиз?

түркийәниң тунҗи деңиз музейи, 1897 – йили өз дәвриниң бәһрийә (деңиз армийә)  назири һасан һүснү пашаниң буйруқиға асасән истанбул қасимпашада қурулди. 1914 – йили бәһрийә назири болған җәмал паша, музейда ислаһат елип берип, музейниң илмий шәкилдә қайтидин тәртипкә селиниши үчүн, деңиз армийә әскири йүз беши рәссам али сами бойарни музейниң мудирлиқиға тәйинлиди. бойар, түрк парахотлириниң толуқ вә йерим моделлирини йасаш үчүн кархана қуруп, музейниң тәрәққийатиға муһим төһпә қошти.

иккинчи дунйа уруши мәзгилидә муһапизәт қилиниш үчүн анадолуға йөткәлгән тарихий йадикарлиқлар, уруштин кейин йәнә бу йәргә кәлтүрүлди. музей 1949 – йили долмабаһчә җамәси куллийәсигә, у йәрдин бәшкиташтики бүгүнки орниға йөткәлди.

сәлтәнәт қейиқлири, кемә моделлири, байрақлар, деңиз армийәси әскәрлириниң формилири, қолйазмилар, хәритиләр, рәсимләр, һәдийәләр, қатнаш васитилири билән һәр хил қораллар көргәзмә қилинған истанбул деңиз музейи түркийәдә қурулған тунҗи һәрбий музей һесаблиниду.

мәнбә: алақидар тор бәтләр