rize bilen tonushushni xalamsiz?

türkiyede sayahetchilik 2019/23

rize bilen tonushushni xalamsiz?
rize bilen tonushushni xalamsiz?
rize bilen tonushushni xalamsiz?

türkiyede sayahetchilik 2019/23

rize bilen tonushushni xalamsiz?

 

rize bilen tonushushni xalamsiz?

hörmetlik radiyo anglighuchi qérindashlar! qedriye shenel teripidin teyyarlanghan «türkiyede sayahetchilik» namliq pirogrammimizning bügünki sanida silerge rizeni tonushturimiz.

*** *** **** ****** *****

rize؛ türkiyening qara déngiz qirghiqigha jaylashqan bir sheher bolup, yap yéshil menzirisi uning muhim alahidiliki hésablinidu. rize türkiyening tengdashssiz güzel yaylaqliri, her xil derext we ösümlük türlirining köpliki bilen tonulghan ormanliri, derya, östeng, wadi, taghliri we muz kölliri bilen meshhur. bu sheher peqet tebiiy bayliqliri bilenla emes, öz nöwitide yene kültür we tarix jehettiki bayliqliri bilenmu hemmining diqqitini tartip kelmekte.

rize؛ anadoluning sherqiy shimalida, kachkar taghliri bilen qara déngiz otturisidiki tik taghliq rayongha jaylashqan bolup, rayon tebiiy yéishlliqlar bilen tolghan, qirghaqlirida nemlik we yöl yighin nisbiti töwen, ormanliri tolimu qoyuq. türkiye ormanlirining %25 ni öz ichige alidu. shunga orman nuqtisidin türkiyening eng bay rayoni hésablinidu.

ayder, enzer, owit, pokut, sal, gito, elewit we chécheklik qatarliqlar rizening eng meshhur yaylaqliri bolup, bularning beziliride padichiliq we tiriqchiliq paaliyetliri hazirmu dawamlashmaqta. yaylaqlarning asasliq köp qismi sayahetke échiwétilgen bolup, kachkar taghlirigha chéchiwitilgen bu yayalaqlar tebiiy we yaghach öyliri bilenmu hemmining diqqitini tartidu. onlighan ösümlük we derext türliri silerni qarshi alidu. yaylaqlarning köpinchiside sayahetchilerge yaghach öyler ijare bérilmekte. bu rayon yürüsh qilish, taghqa yamishish we bashqa tenterbiyege qiziqidighanlargha nurghun ewzelliklerni teqdim qilidu. munasip pesilde bolupmu bahar peslide yaki yaz peslining bashlirida rizege barsingiz, onlighan türlük gül chécheklerning qirlargha taratqan xushpuraqliridin bolushigha hozurlinalaysiz.

rize yaylaqlirining tebiiy yaghach öylirini we kichik chong muz köllirini choqum körüsh kérek. her biri sayahetchilirige oxshash bolmighan ewzelliklerni sunidu. mesilen؛ ayder yayliqidiki arshanglar shipa béridu. ayder yayliqi bashqa yaylaqlardin perqliq halda yaghach öyliridin bashqa yene, méhmanxanida qonushni xalaydighanlar üchünmu imkaniyet sunup béridu.

déngiz yüzidin 2100 métir égizlikke jaylashqan enzer yayliqining «shipa ambiri» depmu bilinidighan enzer hesili pütün dunyagha meshhur. insanning salametlikige nughunlighan paydisi barliqi bilen bilinidighan enzer hesili, yaylaqlardiki minglighan türlük gül chécheklerning jewhiri hésablinidu. yaz peslide yap yéshilliqqa pürküngen bu yaylaq qish peslide sériq we qizil rengge pürkünüp, yapraq tökidighan derextliri bilen, bolupmu tebiet yürishige chiqishni yaxshi köridighan yaki resim tartishni yaxshi köridighanlarning jelb qilarliq merkizi hésablinidu. bezi yaylaqlarda qiyaliqtin parashot bilen sekresh imkaniyetliri bolghandek, beziliride qish peslige oyghun sayahet imkaniyetlirimu bar.

kachkar taghlirining qara déngizgha qaraydighan tik qiyaliridiki kichik astenglerning birlishishi bilen shekillengen we rize ardeshen etrapidin qaradéngizgha qoyulidighan firtina deryasimu tebiyet güzellikining mujessimisi hésablinidu. nurghunlighan jaylirida nesli yoqulush aldida turghan üsti qizil alabiliqlarni körelishingiz mumkin. omumi uzunliqi 57 kélométir kélidighan firtna deryasida yene, qolwaq tenterbiyesi üchünmu munasip muessiseler bar.

rizede tarixi 13we 14esirge tutushidighan köp sanda qeleler bar. qoghdinish, xewerlishish, közitish we yéterlik esker küchini saqlash qatarliq her xil meqsetler üchün yasalghan bu qeleler ichide eng meshhuri zil qelesidur. körünishi bilen sizni goya ottura esirde seyle qilduridighan bu qeleler, sheherdiki warosh qelesi, jiha qelesi we qiz qelesi qatarliqlar bolup, bular eyni chaghda hem yézining bixeterlikini, hem anadolugha tutushidighan karwan yollining bixeterlikini qoghdaytti.

rizege barsingiz mol oksigénliq yaylaqlirigha chiqmay, yadikarliqlargha bay muziyini körmey, qanchilighan esirlerdin taki bügünge qeder yétip kelgen köwrüklerni resimge tartmay, üstige béliq bésilghan polosini tétip baqmay turup hergiz qaytmang. rizening ataqliq chaylirini échip béqishni, yerlik tuqulma mehsulatliri bolghan dasqanliridin sétiwilishni untumang. eger tebietning adem ewladlirigha sunghan güzellikliridin qanghiche hozurlinay déngisiz, rize we rizening xushpiél xelqi sizni qarshi alidu. 

hörmetlik radiyo anglighuchi qérindashlar! yuqirida qedriye shenel teripidin teyyarlanghan «türkiyede sayahetchilik» namliq pirogrammimizda rizeni tonushturüp ottuq, tingshighininglar üchün rexmet.

 


خەتكۈچ: türkiyede sayahet

مۇناسىۋەتلىك خەۋەرلەر