zeytun yéghiliq much dolmisi

«zeytun yéghiliq much dolmisi» étish usuli.

zeytun yéghiliq much dolmisi

zeytun yéghiliq much dolmisi

türkiye awazi radiyosi: aldinqi pirogrammilimizda, «zeytun yéghiliq taamlar» ning asasiy jehettin soghuq halette yéyilidighan, göshsiz pishurulidighan taamlar ikenliki heqqide melumat bergeniduq. bu taamlar adette qoshumche yémekler süpitide istémal qilinidu. bügün silerge «zeytun yéghiliq much dolmisi» heqqide melumat bérimiz.

« zeytun yéghiliq much dolmisi» étish üchün kéreklik bolghan matériyallar töwendikiche:

  • 16 dane kichik dolmiliq much
  • yérim istakan zeytun yéghi
  • 4 dane inchike toghralghan piyaz
  • ikki istakan gürüch
  • ikki qoshuq qarighay uruqi
  • 12 qoshuq qara qariqat
  • tuz
  • yérim tatliq qoshuqi quruq pinne
  • bir tatliq qoshuqi piménta
  • bir qoshuq shéker
  • ikki istakan su
  • 3 – 4 dane pemidur

«zeytun yéghiliq much dolmisi» étish usuli töwendikiche:

  • aldi bilen, bir istakan zeytun yéghini bir qazangha séling, andin piyazlar bilen qarighay uruqini qorung.
  • gürüchlerni taki kiraxmal yoqalghangha qeder yuyung.
  • piyazlar qorulghandin kéyin, gürüchni ilawe qiling we qorushni dawamlashturung.
  • andin tuz, qarimuch, qara qariqat, pinne we shéker qatarliqlarni qétip, arilashturung.
  • pishqan gürüch issighangha qeder kütüng. arqidin piméntani ilawe qilip, arilashturung.
  • temini téting؛ tuz we shékiri az bolsa, ilawe qiling.
  • dolmiliq muchlarning sapliq qisimlirini késip éliwéting we uruqlirini chiqiring.
  • aldin teyyarliwalghan gürüchni muchlarning ichige toldurung.
  • pemidurlarni qélin shekilde toghrang we muchlarning éghiz qisimlirigha gürüchlerni tashmaydighan shekilde yerleshtürüng.
  • andin bu dolmilarni qazangha séling, üstige yérim istakan zeytun yéghi séping.
  • dolmilarning yérimigha kelgüchilik su ilawe qilip, ottura hal otta 30 minut pishurung.
  • dolmilar soghughandin kéyin istémal qilsingiz bolidu.  


مۇناسىۋەتلىك خەۋەرلەر