зәйтун йеғилиқ муч долмиси

«зәйтун йеғилиқ муч долмиси» етиш усули.

зәйтун йеғилиқ муч долмиси

зәйтун йеғилиқ муч долмиси

түркийә авази радийоси: алдинқи пирограммилимизда, «зәйтун йеғилиқ таамлар» ниң асасий җәһәттин соғуқ һаләттә йейилидиған, гөшсиз пишурулидиған таамлар икәнлики һәққидә мәлумат бәргәнидуқ. бу таамлар адәттә қошумчә йемәкләр сүпитидә истемал қилиниду. бүгүн силәргә «зәйтун йеғилиқ муч долмиси» һәққидә мәлумат беримиз.

« зәйтун йеғилиқ муч долмиси» етиш үчүн керәклик болған материйаллар төвәндикичә:

  • 16 данә кичик долмилиқ муч
  • йерим истакан зәйтун йеғи
  • 4 данә инчикә тоғралған пийаз
  • икки истакан гүрүч
  • икки қошуқ қариғай уруқи
  • 12 қошуқ қара қариқат
  • туз
  • йерим татлиқ қошуқи қуруқ пиннә
  • бир татлиқ қошуқи пимента
  • бир қошуқ шекәр
  • икки истакан су
  • 3 – 4 данә пәмидур

«зәйтун йеғилиқ муч долмиси» етиш усули төвәндикичә:

  • алди билән, бир истакан зәйтун йеғини бир қазанға селиң, андин пийазлар билән қариғай уруқини қоруң.
  • гүрүчләрни таки кирахмал йоқалғанға қәдәр йуйуң.
  • пийазлар қорулғандин кейин, гүрүчни илавә қилиң вә қорушни давамлаштуруң.
  • андин туз, қаримуч, қара қариқат, пиннә вә шекәр қатарлиқларни қетип, арилаштуруң.
  • пишқан гүрүч иссиғанға қәдәр күтүң. арқидин пиментани илавә қилип, арилаштуруң.
  • тәмини тетиң؛ туз вә шекири аз болса, илавә қилиң.
  • долмилиқ мучларниң саплиқ қисимлирини кесип еливетиң вә уруқлирини чиқириң.
  • алдин тәййарливалған гүрүчни мучларниң ичигә толдуруң.
  • пәмидурларни қелин шәкилдә тоғраң вә мучларниң еғиз қисимлириға гүрүчләрни ташмайдиған шәкилдә йәрләштүрүң.
  • андин бу долмиларни қазанға селиң, үстигә йерим истакан зәйтун йеғи сепиң.
  • долмиларниң йеримиға кәлгүчилик су илавә қилип, оттура һал отта 30 минут пишуруң.
  • долмилар соғуғандин кейин истемал қилсиңиз болиду.  


مۇناسىۋەتلىك خەۋەرلەر