iznik chine xishliri toghrisidiki qiziqarliq uchurlar...

didem öztashbashi teripidin teyyarlanghan «biliwéling» namliq pirogrammimizning bügünki sanida «iznik chine xishliri» gha dair uchurlarni siler bilen ortaqlishimiz.

iznik chine xishliri toghrisidiki qiziqarliq uchurlar...

iznik chine xishliri toghrisidiki qiziqarliq uchurlar...

nöwette nahayiti köp qurulushni zinnetlep turuwatqan we yawropaning nahayiti muhim muzéylirida körgezme qiliniwatqan iznik chine xishlirining dunyada kem uchraydighan bir xil chine xish türi ikenlikini anglighanmidingiz?

bursaning iznik nahiyesi osmanli dewride nahayiti chong chine xish merkezlirining biri idi. osmanli dewride türk qol senetlirining eng muhim türlirining biri bolghan we türkiye sirtidimu tonulghan chine xishchiliqning tarixi 15 – esirgiche sozulidu.

iznik chine xishlirini bashqa chine xishlardin perqlendürüp turidighan eng gewdilik alahidilik؛ léyining ichidiki firit dep atilidighan shu dewrdiki bir xil eynek türidur. firit, %85 i kwartis bilen izniktin chiqidighan nahayiti alahide bir xil séghiz arilashturulup yughurulidu. iznik chine xishlirining yene bir alahidiliki, neqishliridur. chine xishlardiki neqishlerde körünüsh bir xil yönilishte emes, tik we yantu halette sizilidu. buningdin bashqa, ishlitilgen rengler qapartma halette sirning astigha qoyulidu.

iznik chine xishlirini bügün, osmanli dewride sélinghan saraylar, jameler we qebrilerdin bashqa mozéy we alahide asare – etiqe saqlighuchilarda körgili bolidu. 2018 – yili engliyening dangliq kristiés baha talashturup sétish merkizide 15 – esirge ait bir iznik texsisi 5 milyon 400 ming fondsitirling (39 milyon 300 ming türk lirasi) gha sétildi.

 

menbe: gézit - zhurnallar

 


خەتكۈچ: türkiye , chine xish , iznik

مۇناسىۋەتلىك خەۋەرلەر