hidrellez heqqide némilerni bilisiz?

didem öztashbashi teripidin teyyarlanghan «biliwéling» namliq pirogrammimizning bügünki sanida «hidrellez» dégen témini siler bilen ortaqlishimiz.

hidrellez heqqide némilerni bilisiz?

hidrellez heqqide némilerni bilisiz?

hidrellezning b d t  maarip, pen, medeniyet teshkilatining insaniyetning konkért bolmighan medeniy mirasiliri tizimlikidin orun alghanliqini anglighanmidingiz?

hidrellez baharning yétip kélishini tebriklesh meqsitide miladiye kaléndari boyiche 6 – mayda tebriklinidighan pesillik bayramlarning biri hésablinidu. anadoluda qish peslidin kéyin, tebietning janlinishi bilen molluq we beriket ümidige simwolluq qilidighan kün 6 – may bolup, bu kün hidrellez dep atilidu. kishiler, xizir we ilyas peyghemberlerning yeryüzide mushu künde uchrishidighanliqigha ishinidu. hidrellez türkiyening köpligen jaylirida tebiietning janlinishi bilen birlikte maddiy we meniwi jehettin özlirini yéngi yilgha teyyarlimaqchi bolghan musulman we xiristiyan jamaiti teripidin birla künde tebriklenmekte.

hidrellezdin burun öyler tazilinidu, her xil tamaqlar pishurulidu we «xidirliq» dep atilidighan quyuq derexzarliqlar arisidiki bulaq bar sayahet orunlirigha bérip, dala seylisi qilinidu. u yerde herxil oyunlar oynilidu, köngül échish paaliyetliri ötküzülidu. bezi yerlerde sayahet orunlirining otturisigha ot yéqilip, dualar we manilerni oqughan halda kem dégende üch qétim atlinidu. tilekler qeghezlerge yézilip kechliki gül ösümlükining töwige qoyup qoyulidu, etigini kün chiqishtin burun tilekler yézilghan qeghezler toplinidu. bezide tilekler xizirgha yétishi üchün, éqin sugha yaki déngizgha qoyup bérilidu.

2016 – yili türkiye bilen makédoniye birlikte teyyarlighan «bahar bayrimi: hidrellez» témiliq matériyalni b d t maarip, pen, medeniyet teshkilatigha sundi. teshkilat iltimasqa qarap chiqip, hidrellezni 2017 – yili insaniyetning konkért bolmighan medeniy mirasliri tizimlikige kirgüzdi.

 

menbe:

http://www.edirnekulturturizm.gov.tr

http://aregem.kulturturizm.gov.tr/TR-131540/hidirellez.html

 

 


خەتكۈچ: hidrellez

مۇناسىۋەتلىك خەۋەرلەر