һидрәлләз һәққидә немиләрни билисиз?

дидәм өзташбаши тәрипидин тәййарланған «биливелиң» намлиқ пирограммимизниң бүгүнки санида «һидрәлләз» дегән темини силәр билән ортақлишимиз.

һидрәлләз һәққидә немиләрни билисиз?

һидрәлләз һәққидә немиләрни билисиз?

һидрәлләзниң б д т  маарип, пән, мәдәнийәт тәшкилатиниң инсанийәтниң конкерт болмиған мәдәний мирасилири тизимликидин орун алғанлиқини аңлиғанмидиңиз?

һидрәлләз баһарниң йетип келишини тәбрикләш мәқситидә миладийә календари бойичә 6 – майда тәбриклинидиған пәсиллик байрамларниң бири һесаблиниду. анадолуда қиш пәслидин кейин, тәбиәтниң җанлиниши билән моллуқ вә бәрикәт үмидигә символлуқ қилидиған күн 6 – май болуп, бу күн һидрәлләз дәп атилиду. кишиләр, хизир вә илйас пәйғәмбәрләрниң йәрйүзидә мушу күндә учришидиғанлиқиға ишиниду. һидрәлләз түркийәниң көплигән җайлирида тәбииәтниң җанлиниши билән бирликтә маддий вә мәниви җәһәттин өзлирини йеңи йилға тәййарлимақчи болған мусулман вә хиристийан җамаити тәрипидин бирла күндә тәбрикләнмәктә.

һидрәлләздин бурун өйләр тазилиниду, һәр хил тамақлар пишурулиду вә «хидирлиқ» дәп атилидиған қуйуқ дәрәхзарлиқлар арисидики булақ бар сайаһәт орунлириға берип, дала сәйлиси қилиниду. у йәрдә һәрхил ойунлар ойнилиду, көңүл ечиш паалийәтлири өткүзүлиду. бәзи йәрләрдә сайаһәт орунлириниң оттурисиға от йеқилип, дуалар вә маниләрни оқуған һалда кәм дегәндә үч қетим атлиниду. тиләкләр қәғәзләргә йезилип кәчлики гүл өсүмлүкиниң төвигә қойуп қойулиду, әтигини күн чиқиштин бурун тиләкләр йезилған қәғәзләр топлиниду. бәзидә тиләкләр хизирға йетиши үчүн, еқин суға йаки деңизға қойуп берилиду.

2016 – йили түркийә билән македонийә бирликтә тәййарлиған «баһар байрими: һидрәлләз» темилиқ материйални б д т маарип, пән, мәдәнийәт тәшкилатиға сунди. тәшкилат илтимасқа қарап чиқип, һидрәлләзни 2017 – йили инсанийәтниң конкерт болмиған мәдәний мираслири тизимликигә киргүзди.

 

мәнбә:

http://www.edirnekulturturizm.gov.tr

http://aregem.kulturturizm.gov.tr/TR-131540/hidirellez.html

 

 


خەتكۈچ: һидрәлләз

مۇناسىۋەتلىك خەۋەرلەر