تىنچلىق بۇلىقى ھەرىكىتى

مەقسەت خاتىرجەملىك
نىشان تېررورلۇق

örüklük injik yahnisi

«örüklük injik yahnisi» étish usuli.

örüklük injik yahnisi

örüklük injik yahnisi

türkiye awazi radiyosi: türkiye jumhuriyiti miraschisi bolghan osmanli impériyesi 14 – esirdin 20 – esirgiche hakimiyet yürgüzgen bolup, dunyadiki sanaqliq impératorluqlardin biri idi. 17 – esirde payansiz jughrapiyelergiche yétip bérip, üch qitede hakimiyet yürgüzgen osmanli impériyesining taamlirimu kem dégende shu impératorluqchilik meshhur we türi köp idi. mesilen, fatih sultan mehmet xan teripidin yasatquzulghan «topkapi sariyi» ning ashxanisi 5 ming kiwadrat métirdin chong bolup, 8 bölmidin teshkil tapatti.  bu heyran qalarliq ashxanida, osmanli impériyesining herqaysi jayliridin kélidighan oxshimighan matériyallar ishlitilip, minglarche türlük taamlar étiletti. bügün osmanli impériyesi ashianisigha ait bolghan taamlardin «örüklük injik yahnisi» heqqide melumat bérimiz.

«örüklük injik yahnisi» étish üchün kéreklik bolghan matériyallar töwendikiche:

  • 4 dane injik
  • 7 dane piyaz
  • 10 dane qurutulghan örük
  • 1 tal rozémariye
  • 1 dane qowzaq darchin
  • 4 chish samsaq
  • bir tilim alma

«örüklük injik yahnisi» étish usuli mundaq:

  • aldi bilen, bir qazangha yagh bilen sériq mayni qoyup, otni yéqing, andin göshlerning üstige tuz we qarimuch séping.
  • yagh obdan qizighandin kéyin injiklerni qazangha qoyung we her ikki teripini besh minuttek qizarting. yeni möhürleng.
  • möhürlengen injiklerning üstige piyaz, samsaq, alma, rozémariye yapriqi, quruq örük we qowzaq darchin qatarliqlarni ilawe qiling. üstige bir qoshuq su qoshung.
  • otni peseyting, qazanning tuwiqini yéping we bir yérim saettek kütüng. pat – pat qazanning tuwiqini échip, suyini kontirol qilishni untup qalmang.
  • eger süyi az qalghan bolsa, birqanche qoshuq su ilawe qiling.
  • göshler pishqandin kéyin qachigha élip, üstige rozémariye we pishqan örükni ilawe qilghandin kéyin, istémal qilsingiz bolidu.


مۇناسىۋەتلىك خەۋەرلەر