өрүклүк инҗик йаһниси

«өрүклүк инҗик йаһниси» етиш усули.

өрүклүк инҗик йаһниси

өрүклүк инҗик йаһниси

түркийә авази радийоси: түркийә җумһурийити мирасчиси болған османли империйәси 14 – әсирдин 20 – әсиргичә һакимийәт йүргүзгән болуп, дунйадики санақлиқ императорлуқлардин бири иди. 17 – әсирдә пайансиз җуғрапийәләргичә йетип берип, үч қитәдә һакимийәт йүргүзгән османли империйәсиниң таамлириму кәм дегәндә шу императорлуқчилик мәшһур вә түри көп иди. мәсилән, фатиһ султан мәһмәт хан тәрипидин йасатқузулған «топкапи сарийи» ниң ашханиси 5 миң кивадрат метирдин чоң болуп, 8 бөлмидин тәшкил тапатти.  бу һәйран қаларлиқ ашханида, османли империйәсиниң һәрқайси җайлиридин келидиған охшимиған материйаллар ишлитилип, миңларчә түрлүк таамлар етиләтти. бүгүн османли империйәси ашианисиға аит болған таамлардин «өрүклүк инҗик йаһниси» һәққидә мәлумат беримиз.

«өрүклүк инҗик йаһниси» етиш үчүн керәклик болған материйаллар төвәндикичә:

  • 4 данә инҗик
  • 7 данә пийаз
  • 10 данә қурутулған өрүк
  • 1 тал роземарийә
  • 1 данә қовзақ дарчин
  • 4 чиш самсақ
  • бир тилим алма

«өрүклүк инҗик йаһниси» етиш усули мундақ:

  • алди билән, бир қазанға йағ билән сериқ майни қойуп, отни йеқиң, андин гөшләрниң үстигә туз вә қаримуч сепиң.
  • йағ обдан қизиғандин кейин инҗикләрни қазанға қойуң вә һәр икки тәрипини бәш минуттәк қизартиң. йәни мөһүрләң.
  • мөһүрләнгән инҗикләрниң үстигә пийаз, самсақ, алма, роземарийә йаприқи, қуруқ өрүк вә қовзақ дарчин қатарлиқларни илавә қилиң. үстигә бир қошуқ су қошуң.
  • отни пәсәйтиң, қазанниң тувиқини йепиң вә бир йерим саәттәк күтүң. пат – пат қазанниң тувиқини ечип, суйини контирол қилишни унтуп қалмаң.
  • әгәр сүйи аз қалған болса, бирқанчә қошуқ су илавә қилиң.
  • гөшләр пишқандин кейин қачиға елип, үстигә роземарийә вә пишқан өрүкни илавә қилғандин кейин, истемал қилсиңиз болиду.


مۇناسىۋەتلىك خەۋەرلەر