гөбәклитәпә һәққидики қизиқарлиқ учурлар...

дидәм өзташбаши тәрипидин тәййарланған «биливелиң» намлиқ пирограммимизниң бүгүнки санида «гөбәклитәпә» дегән темини силәр билән ортақлишимиз.

гөбәклитәпә һәққидики қизиқарлиқ учурлар...

гөбәклитәпә тоғрисидики йеңи учурлар...

шанлиурфаға йеқин йәрдики гөбәклитәпәниң дунйа миқйасидики әң чоң байқашларниң бири икәнликини вә 2019 – йилиниң гөбәклитәпә йили елан қилинғанлиқини аңлиғанмидиңиз?

12 миң йашқа киргәнлики тәхмин қилиниватқан гөбәклитәпә, инсанийәт тарихиға даир барлиқ қарашларни өзгәртиду. гөбәклитәпәдин бурун, инсанийәт териқчилиқ билән тонушқандин кейин олтурақ һайатқа қәдәм басқан, төмүр ишлитишни билиши уйақта турсун, идиш, куза йасаш басқучиғиму қәдәм қоймиған дәп қарилатти. һалбуки, гөбәклитәпә, инсанларниң овчилиқ дәврлиридиму қурулушларни қилип, бир хил олтурақ һайатқа қәдәм басқанлиқини көрситип бериду. шу вәҗидин тарихниң «нөл нуқтиси» дәп қаралмақта.

германийәлик археолог клаус шимидтниң башчилиқида 1955 – йили башланған қезип тәкшүрүш хизмәтлири нәтиҗисидә оттуриға чиқирилған гөбәклитәпә, 2018 – йили б д т  маарип, пән – мәдәнийәт тәшкилати дунйа мираслири тизимликигә киргүзүлди. райондики қезип тәкшүрүш хизмәтлири давамлашмақта вә бу хизмәтниң 150 йил давамлишиш еһтимали барлиқи тәхмин қилинмақта. тәкшүрүш нәтиҗилири районда техи йоруқлуққа чиқирилмиған 15 қурулуш вә 200 дин артуқ таш түврүкниң барлиқини көрсәтмәктә.

 

мәнбә: алақидар тор бәтләр



مۇناسىۋەتلىك خەۋەرلەر