тонур сүтлачи

«тонур сүтлачи» етиш усули.

тонур сүтлачи

тонур сүтлачи

түркийә авази радийоси: сүттин етилдиған татлиқлар түрк таамлири ичидә зади кәм болса болмайдиған ләззәтләрниң бешида келиду. етилиши асан болуш билән бир вақитта, һәзим қилинишиму қолай болғанлиқи үчүн, адәттә наһайити көп истемал қилиниду. болупму кәчлик тамақтин кейин татлиқ – турумларни йахши көридиғанлар үчүн сүтлүк татлиқлар интайин баб келиду. бүгүн силәргә османли империйәси дәвридин тартипла түрк дастиханлириниң төридин орун елип келиватқан ләззәтләрдин «тонур сүтлачи» һәққидә мәлумат бримиз.

«тонур сүтлачи» етиш үчүн керәклик болған материйаллар төвәндикичә:

  • йерим истакан гүрүч
  • бир йерим истакан су
  • бәш истакан сүт
  • үч қошуқ гүрүч уни
  • бир қошуқ кирахмал
  • бир болақ һүлбә
  • бир – бир йерим истакан шекәр

«тонур сүтлачи» етиш усули мундақ:

  • алди билән, гүрүчни йуйуп, қазанға селиң. андин бир йерим истакан соғуқ суни илавә қилип,  гүрүч йумшиғанға қәдәр қайнитиң.
  • бу арилиқта, гүрүч уни, кирахмал, һүлбә вә шекәрни башқа бир қазанда арилаштуруң, ичигә сүтни аста – аста сепиң.
  • қазанни очақниң үстигә елиң вә тохтимастин қориғач қайнитиң.
  • бир – икки минут қайнатқандин кейин, пишқан гүрүчләрни арилашмиға илавә қилиң вә қийам қойуқлашқанға қәдәр арилаштурғач пишуруң.
  • пишқан сүтлачларни қачиларға елип, бираз соғушини күтүң.
  • соғуған сүтлач қачилирини бир тонур легининиң үстигә орунлаштуруң.
  • андин легәнгә қачиларниң йениға кәлгүчилик су илавә қилиң.
  • легәнни алдин қизитилған 200 гирадуслуқ тонурда сүтлачлар таки қизарғанға қәдәр 15 – 20 минут әтрапида пишуруң.
  • тонурдин чиққан сүтлачларниң соғушини күтүң.
  • сүтлачлар соғуғандин кейин истемал қилсиңиз болиду.       


مۇناسىۋەتلىك خەۋەرلەر