türkiye oqush pulliri pirogrammisi -04
«türkiye oqush pulliri»pirogrammisigha iltimas qilghan oqughuchilarni bahalap békitish jeryani
türkiye oqush pulliri pirogrammisi -04
bu heptiki pirogrammimizdimu chet eldiki türkler we qérindash türkiy xelqler bashqarmisining «türkiye oqush pulliri»pirogrammisigha munasiwetlik layiheliri toghruluq melumat bérishni dawamlashturimiz we pirogrammimizning bügünki bölümide mezkur oqush pirogrammisigha itlimas qilghan oqughuchilarning qandaq tallinidighanliqi toghrisida toxtilimiz.
oqughuchilarni tallap békitish basquchi
oqughuchilarni tallap békitish xizmiti namzat oqughuchilarning ilmiy netijisi, ijtimaiy aktipchanliqi we bashqa qabiliyetlirige asasen élip bérilidu.
- aldin bahalash: iltimaslar ilmiy netije, yash cheklimisi, lazimliq matériyallargha asasen élip bérilidu.
- tallash: muwapiq körülgen namzatlarning iltimasliri ularning ilmiy netijisi, qabiliyiti, qiziqish dairisi, oqush nishani, kesip arzusi, niyet xéti we ijtimaiy aktipchanliqigha oxshash shertlerge asasen bahalinip tallap békitilidu. bu basquchtin kéyin yüzturane imtihanigha qatnishish salahiyitige érishken oqughuchilarning tizimliki békitilidu.
- yüz-turane imtihani: 100din artuq dölettin tallinip axirqi tizimlikke kirgüzülgen namzatlar akadémikler we mutexessisler teripidin teshkil tapqan imtihan heyiti teripidin bahalap chiqilidu.
- tallap békitish: imtihan heyiti teripidin békitilgen namzatlarning yüz-turane imtihan netijisi, yene bir komitét teripidin bahalinidu we oqush mukapatigha érishken oqughuchilarning tizimliki retlep chiqilidu.
tallap békitish shertliri: telepke layiq itlimas qilghuchilar öz dölitide élip bérilidighan yüz-turane imtihanigha teklip qilinidu. bezi alahide ehwallarda iltimas qilghuchilardin intérnét we téléfon arqiliqmu yüz-turane imtihan élinidu. yüz-turane imtihan élish heyiti chet eldiki türkler we qérindash türkiy xelqler bashqarmisining bir xadimi we bir aliy mektep oqutquchisi bolup bir nechche kishidin teshkil tapidu.
omumen qilip éytqanda, 15 we 30 minut etrapida dawamlishidighan yüz-turane imtihani töwendiki shekilde élip bérilidu: kütüwélish we kirish, matériyallarni kontrol qilish, namzatning iltimas qilish meqsiti, medeniye sewiyesi we kesip nishani, yépilish we namzatning heyettin soal sorishi qatarliqlardin ibaret.
