göshlük yapraq sarmisi

türkiye awazi radiyosi: dunyadiki köpligen milletler yapraq we köktatlaning ichini toldurup, tamaq étidu. bundaq tamaqlarni étish üchün, beziler ottura we jenubiy amérikidikige oxshash qunaq bilen banan yapraqlirini qollansa, yene beziler, yiraq sherqtikige oxshash palma yaki bambuk yapraqlirini ishlitidu.

türkiyede bolsa dégüdek herbir köktattin «sarma» étilidu. türkler pédigendin kengergiche, kapostidin pemidurghiche, muchtin  chaqma kawisighiche bolghan köktatlarning ichini toldurup, «sarma» étidu. derweqe, köpligen tillarda «dolma» yaki «dolmates» dep atilidighan bundaq taamlarning omumyüzlük ismi türkchidiki «tolmaq» péilidin kélidu. bügün silerge türkiyede nahayiti köp étilidighan «göshlük yapraq sarmisi» ni tonushturimiz.

adette bundaq taamlarning hemmisige «dolma» déyilsimu, lékin türkiyede much, chaqma kawa, pédigen qatarliq ichi toldurulup étildiighan taamlar «dolma»؛ yapraq, kaposta qatarliqlarning ichi toldurulup étilidighan taamlar bolsa  «sarma» dep atilidu.

«göshlük yapraq sarmisi» teyyarlash üchün kéreklik bolghan matériyallar töwendikiche:

•        250 giram qaqlap qurutulghan yapraq

•        bir dane kichik toghralghan piyaz

•        bir istakan gürüch

•        2  qoshuq inchike toghralghan yawropa kerepshisi

•        8   chay qoshuqi tuz

•        4 chay qoshuqi qarimuch

pishurush üchün

•        1 qoshuq pemidur qiyami

•        3 qoshuq zeytun yéghi

•        1.5 istakan issiq su

•        8   chay qoshuqi tuz

«göshlük yapraq sarmisi» étish usuli mundaq:

aldi bilen qaqlap qurutulghan üzüm yapraqlirini, tuzining yoqilishi üchün issiq su bilen toshquzulghan bir qachida 5 minut qoyung,andin tuzini terk etken yapraqlarni sudin chiqirip, soghuq suda yuyung we artuq sulardin süzüng.

bu ariliqta, sarmining ichini haizrlash üchün؛ quruq piyazni, pakiz yuyulghan gürüch bilen qiymini bir qachigha qoyung, andin yamghaqsüt, qarimuch we tuzni arilashturup, yoghurung. gürüch danchilirining ézilip ketmesliki üchün heddidin ziyade arilashturmasliqqa diqqet qiling.

emdi nöwet yapraqlarni toldurushqa keldi.

bir yapraqni élip, tüz yerge qoyung, zédilimestin ötkür bir pichaq bilen yapraqning sap qismini késing. yapraqlarning ottura qismigha bir tatliq qoshuqi qeder arilash qiymini qoyung. yapraqning chette qalghan qisimlirini otturisigha taqap, yapraqlarni büdür chach sheklide tügüng.

bashqa yapraqlarni tügüsh usulimu mushundaq.

teyyarlanghan göshlük yapraq  sarmilirini qazanggha tizing. qazanning asti qismi tolghandin kéyin, ikkinchi qewet, zörür tépilghanda, üchinchi qewet sheklide tizishni dawamlashturung.

aldin teyyarlanghan issiq su, zeytun yéghi, qiyam we tuz arilashmisini qazandiki sarmilarning üstige töngüng. pishish jeryanida chéchilip ketmesliki üchün, sarmilarning üstige bir sapal texsini qoyung.

qazanning qapqinini yapqandin kéyin, az otta 40 minut erapida pishurung. göshlük bolghanliqi üchün, qiziq yaki issiq halette istémal qilishqimu, üstige qétiq qoyup yéyishkimu bolidu.