chet eldiki türkler we qérindash türkiy xelqler bashqarmisining meqsiti

chet eldiki türkler we qérindash türkiy xelqler bashqarmisi

chet eldiki türkler we qérindash türkiy xelqler bashqarmisining meqsiti

chet eldiki türkler we qérindash türkiy  xelqler bashqarmisi

her qandaq bir döletning tüp meqsetliridin biri dunyaning qandaq yéride bolushtin qetiynezer puqralirining heq-hoquqliri we menpeetini qoghdashtin ibaret. igilik hoquqluq bir döletke nisbeten tolimu muhim bolghan bu paaliyet, shu döletning tashqi siyasitining asasliq menpetliridin biri bolush bilen birge, waz kéchishke qetiy bolmaydighan étibar we abroy mesilisi bolup hésablinidu.

türkiyening 2000-yillardin bashlap barghanche küchiyiwatqan tashqi siyaset paaliyetlirining asasliq qisimliridin birini, 1960-yillardin étibaren chet ellerde yashashqa bashlighan we künimizde sani 6 milyondin ashqan puqralirining heq-hoquqi we menpeetini qoghdash teshkil qilip keldi.

2010-yili qurulghan chet eldiki türkler we qérindash türkiy  xelqler bashqarmisigha, bu dairide siyaset békitish we bularni ishqa ashurush yolida köwrüklük rol oynash we teshkillesh wezipisi tapshuruldi.

muhim bir diaspora orgini bolghan chet eldiki türkler we qérindash türkiy xelqler bashqarmisi, köp qismi yawropa qitesidiki döletlerde yashawatqan türkiye puqralirining türkiyege munasiwetlik resmiyetlirini asanlashturushtin sirt, ularning medeniyet kimliklirini qoghdash, turushluq döletlerning telim-terbiye we  ijtimaiy salahiyetni östüridighan xizmet we siyasetliridin paydilinishi, weten tewelik éngini muhapizet qilishi we ayrimchiliq siyasetlirige qarita sezgürlük éngini östürüshi qatarliq jehetlerde ularni qollash üchün paaliyet qilip kelmekte.

yuqirida qeyt qilinghan paaliyetlerge, bolupmu chet elde yashawatqan yash nopusqa qarita xizmet qilishqa bekrek merkezleshken chet eldiki türkler we qérindash türkiy xelqler bashqarmisi, türkiye puqralirining turushluq döletlerde toluq purset barawerlikige érishishi we turushluq jemiyetlerning her qaysi saheliridin aktip we küchlük shekilde orun élishi üchün zor küch chiqirip kelmekte.



مۇناسىۋەتلىك خەۋەرلەر