türkiyede sanaet rayonliri we yéngi ish pursetliri

türkiyede sanaet rayonliri, sanaet ishlepchiqirishning türkiye iqtisadiki roli we yéngi ish pursetliri toghrisida

türkiyede sanaet rayonliri we yéngi ish pursetliri

sanaet ishlepchiqirishning yuqiri sewiyede bolushi iqtisadiy güllengen döletlerni tereqqiy qiliwatqan döletlerdin roshen perqlendürüp turidighan eng asasliq alahidilik hésablinidu. 18-esirde bashlighan sanaet inqilabidin buyan sanaetning tereqqiyati her qaysi döletlerning tereqqiyatining motori bolup keldi. sanaet inqilabi bilen bashlighan bu jeryan, döletlerning tereqqiyatida sanaet ishlepchiqirishning ne qeder muhim ikenlikini körsitip berdi. deslep engliye arqidin bashqa gherb döletlirining sanaet asasiy salmaqni igelligen ishlepchiqirishqa ötüshi bu döletlerning qudret tépishida eng chong qozghatquchi amil boldi, ikkinchi dunya urushidin kéyin tereqqiy tapmighan nurghun döletlermu sanaet ishlepchiqirishigha ehmiyet bérip, tereqqiy tapqan döletler bilen otturisidiki kirim perqini yoqitishni meqset qildi. sanaet ishlepchiqirishi bir döletning téxnologiyesining tereqqiy qilishi, sélinmilarning éshishi, sélinmilarning ish pursetlirige aylinishi we iqtisadining güllinishi üchünmu kem bolsa bolmaydighan amildur. bu dairide bolupmu tereqqiy qiliwatqan döletlerde sanaet ishlepchiqirishini righbetlendürüsh we tereqqiy qildurush üchün zor qedemler tashlanmaqta.

türkiye iqtisadiy küchlük aldinqi 20 dölet qataridin orun alidighan bolup, yash we dinamik nopus qurulmisigha ige küchlük dölettur. türkiye  2023-yili iqtisadiy küchlük aldinqi 10 dölet qatarigha kirishni nishan qilghan halda sanaet, yéza-igilik we sayahet saheside nurghun layihelerni wujudqa chiqardi. türkiyede jumhuriyetning qurulushi bilen bixlinishqa bashlighan sanaet ishlepchiqirishi kéyinki 15 yilda sélinghan mebleghler we ishqa ashurulghan chong layiheler bilen téximu  küchiyishke bashlidi. sanaet sahesining tereqqiyatida dölet yolgha qoyghan righbetlendürüsh siyasetliri, qurup chiqqan téxnologiye sheherliri, wudjuqa chiqarghan asasiy qurulush xizmetliri we yéngi ish pursetliri qatarliqlar muhim rol oynidi. sanaet ishlepchiqirishi üchün zörür bolghan asasiy qurulushlargha zor mebleghler sélinmaqta, sanaet sahesige kirip yéngi ish pursetliri we qoshumche qimmet yaratqan karxanilargha nurghun sharaitlar yaritip bérilmekte. sanaet ishlepchiqirishni ashurush üchün yene sanaet saheside paaliyet qiliwatqan shirketler üchün sanaet rayonliri quruldi. bilim, sanaet we téxnologiye ministiri faruq özlü qurulush xizmetliri tamamlanghan yozgat, shanliurfa we artwin qatarliq wilayetlerde berpa qilinghan üch sanaet rayoni toghruluq melumat berdi.

ministirning bildürüshiche, sanaet rayonlirida texminen 10ming 500 kishi xizmet qilish imkaniyitige érishidiken. burunqi pirogrammilirimizda qeyt qilip ötkinimizdek, «sherqiy we sherqiy jenubiy rayonigha meblegh sélish layihesi» pirogrammisigha kirgüzülgen shanliurfa wilayitining meblegh sélishqa bolidighan wilayetler qataridin orun alghanliqini eslitip ötken ministir özlü, shaniurfada élip bériliwatqan xizmetler netijiside, shanliurfaning siwerek nahiyeside 1 milyon kiwadrat métirliq yerge berpa qilinghan siwerek sanaet rayonining qurulush xizmetlirining tamamlinip bolghanliqini bildürdi. bu ay ichidimu arhawi nahiyeside texminen 400ming kiwadrat métirliq yerge arhawi sanaet rayoni berpa qilghanliqlirini éytqan faruq özlü, arhawi sanaet rayoniningmu arilash sanaet rayon ikenlikini we rayonida texminen 1500 kishining xizmetke orunlishalaydighanliqini sözlirige ilawe qildi.

qisqisi, meyli tereqqiy tapqan döletlerning iqtisadida  bolsun, meyli tereqqiy qiliwatqan döletlerning iqtisadida bolsun sanaet ishlepchiqirishi muhim rol oynaydu. sanaet ishlepchiqirishi yene xelqning turmush sewiyesining éshshida,  köplep ish pursetlirining yaritilishida, asasiy qurulushlarning yaxshilinishida, ixtisaslishishning omumlishishidimu küchlük rol oynaydu. türkiyening üch chong wilayitide sanaet rayonliri berpa qilinip sanaet ishlepchiqirilishida zor qedemler tashlandi. bu sanaet rayonlirida eng az 10500 kishi xizmet qilalaydu. türkiye hökümiti sanaet ishlepchiqirishini qollash siyasiti yolgha qoyush arqiliq, hem iqtisadnik güllendürüshni, hem xelqning turmush sewiyesini ashurushni hemde yéngi ish pursetliri yaritishni közlimekte.


خەتكۈچ: sanaet , türkiye , iqtisad

مۇناسىۋەتلىك خەۋەرلەر