jumhur reis erdoghanning kitabi rusiye musulmanliri reisi gaynutdingha teqdim qilindi
bash elchi samsar rusiye fédératsiyesi musulmanliri diniy ishlar idarisini ziyaret qilip, reis gaynutdin bilen körüshti.
türkiye awazi radiyosi xewiri: jumhur reis rejep tayyip erdoghanning rusche neshr qilinghan «téximu adil dunya (berpa qilish) mumkin» namliq kitabi türkiyening moskwada turushluq bash elchisi mehmet samsar teripidin rusiye fédératsiyesi musulmanliri diniy ishlar idarisi, qoshumche rusiye muptilar kéngishi reisi rawil gaynutdingha teqdim qilindi.
gaynutdingha erdoghanning kitabini teqdim qilghan samsar, jumhur reis erdoghanning her pursette téximu adil, uzaq muddetlik we sijil tinchliq ornitish üchün birleshken döletler teshkilati (b d t)gha bezi özgertishlerni kirgüzüshke bolidighanliqi qarishini otturigha qoyup kéliwatqanliqini dep ötti hemde erdoghanning biwasite halda bu pikirlirini kitablashturghanliqini, kitabning nöwette ruschigha terjime qilinghanliqini bildürdi.
erdoghan bilen rusiye pirézidénti wladimir putinning 2015- yili moskwa merkiziy meschitini birlikte ibadetke achqanliqini eskertken gaynutdin: «biz uni rusiyediki 25 milyon musulmangha wakaliten bu yerge teklip qilimiz we uning bilen körüshüshni xalaymiz» dédi.
