amérikada islam düshmenliki ewj élip ketti

amérika qoshma ishtatlirida islam düshmenliki we musulmanlargha qarshi öchmenlik jinayetliri ewj élip ketti.

1984361
amérikada islam düshmenliki ewj élip ketti

türkiye awazi radiyosi xewiri: amérika-islam munasiwetliri kéngishining doklatigha qarighanda, massachuséts ishtatidiki mekteplerde islam düshmenliki toghrisidiki erz – shikayetler % 72 köpeygen.

bu erz – shikayetlerning köp qismini musulman oqughuchilarni qéliplashturush we kemsitish teshkil qilghan.

mölcherlinishiche, amérika qoshma ishtatlirida texminen 3 milyon 500 ming musulman yashaydiken. musulmanlar döletning omumiy nopusining% 1.1 ni teshkil qilidiken.

amérika-islam munasiwetliri kéngishi 11-aprél élan qilghan «2022-yilliq kishilik hoquq mesililiri» doklatidimu bu mesilining dölet miqyasidiki omumiy ehwaligha orun ajratqanidi.

doklatta maarip sahesisdiki islam düshmenliki, gumaniy qarash we ayraimchiliq qatarliq erz – shikayetlerning %  33 tin éship ketkenliki tekitlengenidi.

amérika qoshma ishtatlirida 2001-yili 11-séntebir küni yüz bergen térrorluq hujumliridin kéyin, bu dölette musulmanlargha öchmenlik qilish jinayetliri barghanséri köpiyip ketken.

amérika-islam munasiwetliri kéngishi amérika qoshma ishtatlirida musulmanlargha öchmenlik qilishning tüzümleshtürülgenlikini eskertmekte.

kéngesh bularning siyasetchiler, kishilik hoquq paaliyetchiliri, tetqiqat merkezliri we axbarat wasitilirining melum küntertipliri arqiliq élip bériliwatqanliqini tekitlimekte.



مۇناسىۋەتلىك خەۋەرلەر