islam dunyasi roza héytni tebriklimekte
türkiye we dunyadiki nurghun döletlerdiki musulmanlar roza héytni tebriklimekte.
türkiye awazi radiyosi xewiri: roza héytning birinchi küni musulmanlar héyt namizi üchün jamelerge seldek aqti.
seher waqtidila jamelerni toldurghan musulmanlar héyt namizidin kéyin dua qildi, andin özara bir – birining roza héytini tebrikleshti.
islam dinining üchinchi muqeddes jayi bolghan mesjidi eqsada bolsa texminen 120 ming musulman roza héyt namizi oqudi.
roza héyt namizidin kéyin, tekbir éytildi, andin héytlishish bashlandi.
roza héyt namizini mesjidi eqsada oqughan bir türküm türklermu jamaetke türk loqumi we quruq yémishlerni teqdim qildi.
dölitimiz (türkiye jumhuriyiti) jumhur reisi rejep tayyip erdoghan bolsa roza héyt namizini istanbuldiki «büyük ayasofya jamesi» de oqudi.
erdoghan roza héyt namizidin kéyin, jamede jamaetning roza héytini bir-birlep tebriklidi, jamedin chiqishida axbarat wasitiliri mensuplirining roza héytini tebriklidi, ulargha shakilat we börek teqdim qildi.
