aylar shahi — ramizan ete bashlinidu

türkiye awazi radiyosi xewiri: musulmanlar üchün zor ehmiyetke ige üch ay (rejep, sheban we ramizan)ning axirqisi bolghan on bir ayning sultani ramizanning tunji tarawih namizi bügün kechte türkiye miqyasidiki barliq jamelerde ada qilinidu. ramizanning tunji rozisi ete (peyshenbe küni) seherde tutulidu. bu yilqi ramizan 29 kün dawamlishidu.

türkiye jumhuriyiti diniy ishlar bashqarmisi bu yilning ramizan shoarini «ramizan we hemkarliq» dep békitti.

barliq musulmanlar hayajan ichide kütüwatqan mubarek ramizan üchün jamelermu teyyar؛ istanbulning meniwi merkizi ayasofya we eyyub sultan jamelirimu gül süyi bilen yuyulup, ramizan üchün teyyar haletke keltürüldi.

jumhur reis rejep tayyip erdoghan ramizanning tunji iptarini 6 – féwral yer tewreshlirining éghir zerbisige uchrighan qahramanmarashta qilidu.

seudi erebistan, qatar, iraq, ereb birleshme xelipiliki, kuweyt, behreyin, pelestin, süriye, yemen, misir, liwan, sudan, liwiye, tunis we iran ramizan éyining peyshenbe küni bashlinidighanliqini élan qildi. iyordaniye, oman, aljiriye, mawritaniye we marakesh bügün hilal ayni küzetkendin kéyin bayanat élan qilidu.