سەئۇدى ئەرەبىستان بۈگۈندىن ئېتىبارەن ئۆمرە ۋىزىسى بېرىشنى باشلايدىغان بولدى

تۈركىيە ئاۋازى رادىيوسى خەۋىرى: سەئۇدى ئەرەبىستان ھەج ۋە ئۆمرە مىنىستىرلىقىنىڭ يازما باياناتىدا، ھەر قايسى دۆلەتلەردىن مەككە ۋە مەسجىدى نەبەۋى زىيارىتى ئۈچۈن ۋىزاغا ئىلتىماس سۇنسا بولىدىغانلىقى بىلدۈرۈلدى.

باياناتتا، دۆلەت ئىچى ۋە سىرتىدىن ئۆمرە زىيارەتلىرىنىڭ 30-ئىيۇلدىن ئېتىبارەن باشلىنىدىغانلىقى، سەئۇدى ئەرەبىستاننىڭ ئىچىدىن ئۆمرە قىلماقچى بولغانلارنىڭ توردىن ئىلتىماس سۇنسا بولىدىغانلىقى ئۇقتۇرۇلدى.

 كوۋىد -19 يۇقۇمى سەۋەبىدىن 2020-يىلدىن 2021-يىلغىچە چەتئەللەردىن ھاجى نامزاتلىرىنى قوبۇل قىلمىغان سەئۇدى ئەرەبىستان، بۇ يىل ھەج مەزگىلىدە دۆلەت ئىچى ۋە سىرتىدىن جەمئىي بىر مىليون ساياھەتچىنى قوبۇل قىلىدىغانلىقىنى ئېلان قىلغان ئىدى.