türkiye - kirodiye diplomatik munasiwetlirining 30 – yilliqi daghdughiliq tebriklenmekte
kirodiye paytexti zagrébta ötküzülgen «kirodiye bilen türkiyening 30 yilliq dostane munasiwiti» témiliq körgezme ziyaretchilerni kütmekte.
türkiye awazi radiyosi xewiri: türkiye bilen kirodiyening diplomatik munasiwet ornatqanliqining 30 - yilliqigha diqqet tartish üchün uyushturulghan körgezme, türkiyening zagrébtiki elchixanisi, kirodiye türk dostluq jemiyiti (HTUP) ning hemkarliqida zagréb yunus emre instituti (YEE) da échildi.
türkiyening zagrébta turushluq bash elchisi mustapa babur hizlan körgezmining tunji qétim kirodiye parlaméntida échilghanliqini eskertip: «bu körgezme parlaméntlirimiz arisidiki hemkarliqning netijisi süpitide teyyarlandi we hazir yunus emre instituti sayisida ammigha échiwétildi» dédi.
bash elchi hizlan körgezmining ikki dölet otturisidiki siyasettin medeniyet we tenterbiyegiche bolghan barliq sahelerdiki hemkarliqni öz ichige alidighanliqini éytti.
kirodiye türk dostluq jemiyitining reisi goran bius richmbérgmu körgezme meqsitining, ikki dölet otturisidiki hemkarliqning eng muhim sahelirini gewdilendürüsh ikenlikini bildürdi.
kirodiye tashqi ishlar we yawropa ishliri ministirliqining dölet ishliri katipi firano matusich yunus emre institutida ötküzülgen körgezmining échilish lintisini kesti.
firano matusich: «bu körgezme ikki dölet otturisidiki siyasiy, iqtisadiy we tenterbiye munasiwitimizni gewdilendüridu. ikki döletning özara munasiwetliri nahayiti yaxshi sewiyede kétiwatidu» dédi.
körgezmining kirodiyening her qaysi sheherliride shundaqla türkiye büyük millet mejlisi (parlaméti) dimu échilidighanliqi bildürüldi.
