бүгүн дунйа паркинсон күни

дунйада 10 милйон киши хәлқ арисида «қерилиқ кесили» дәпму атилидиған паркинсонға қарши күрәш қилмақта.

1810382
бүгүн дунйа паркинсон күни

түркийә авази радийоси хәвири: паркинсон кесәлликигә болған тонушни өстүрүш вә диққәтни униңға қарши күрәшкә қаритиш үчүн 11-апрел күни «дунйа паркинсон күни» дәп елан қилинди.

«Parkinson.org» бетиниң мәлуматлирида көрситилишичә, дунйа миқйасида 10 милйон кишиниң паркинсон кесәлликигә гирптар болғанлиқи мөлчәрләнмәктә икән.

тунҗи қетим 1817-йили ишлитилгән вә намини лондонлуқ дохтур җеймес паркинсон (James Parkinson) дин алған кесәллик, адәм меңисидә «допамин» дәп атилидиған вә нерва -томурларниң өзара алақә қилишини капаләткә игә қилидиған маддини ишләпчиқиридиған һүҗәйриләрниң начарлишиши сәвәбидин оттуриға чиқиду.

паркинсон кесилиниң әң рошән вә көп учрайдиған аламәтлиридә титрәш вә һәрикәт аста болуш көрүлиду. әрләрдә айалларға қариғанда көп учрайду.

мәзкур кесәллик 2005-йили 9-нөвәтлик дунйа паркинсон кесәлликлири күни йиғинида, «қизил лалә» кесәлликниң рәсмий символи сүпитидә қобул қилинди.

дөләтлик йашанғанлар тәтқиқат орниниң көрситишичә, паркинсон кесилигә гириптар болғанларниң көпинчиси 60 йаштин йуқири болуп, һәр 10 паркинсон бимарлириниң бири 50 йаштин төвән икән.

һәрикәт қалаймиқанчилиқи җәмийитиниң (Movement Disorders Society Abstract) 2020-йилдики санлиқ мәлуматлириға қариғанда, америкада 930 миң, йапонийәдә 344 миң, германийәдә 266 миң, фирансийәдә 157 миң, әнглийәдә 142 миң адәм паркинсонға гириптар икән.

гәрчә титрәш, мускулларниң қетишиши, һәрикәт вә тәңпуңлуқ мәсилилирини кәлтүрүп чиқиридиған кесәллик аламәтлирини азайтқили болсиму, әмма уни пүтүнләй йәңгиллитидиған йаки илгирилишини астилитидиған давалаш усули йоқ.



مۇناسىۋەتلىك خەۋەرلەر