мубарәк «үч айлар» 2 – феврал башлиниду
ислам аләмидә «рәҗәп», «шабан» вә «рамизан» ни өз ичигә алған рәһмәт, бәрикәт вә мәниви йеңилиниш мәвсуми болған мубарәк «үч айлар» 2 – феврал чаршәнбә күни башлиниду.
түркийә авази радийоси хәвири: мусулманларға диний һессийатлири вә қойуқ ибадәтлириниң илкисидә күндилик һайатлириға нәзәр ташлаш, өзлирини йеңилаш вә мәниви һайатлирини бейитиш пурсити йаритип беридиған мубарәк «үч айлар», бу йилму пүткүл дунйани қоршивалған «ковид – 19» йуқуминиң көләңгиси астида күтүвелиниду.
«рәғаиб» «мираҗ» вә «бәрат» қәндиллири билән «қәдир кечиси» гә охшиған мәхсус кечиләр идрак қилинидиған мубарәк «үч айлар» да, «роза тутуш», «қуран кәрим оқуш» вә «сәдиқә бериш» қатарлиқ ибадәтләрниң техиму көп қилиниши тәвсийә қилиниду.
түркийә диний ишлар идариси вақит һесаблаш бөлүминиң «vakithesaplama.diyanet.gov.tr» тор бекитидин орун алған учурға қариғанда, рәҗәб ейи пәйшәнбә күнини җүмәгә туташтуридиған 3 - феврал кечиси, «рәғаиб қәндили» идрак қилинидикән.
пәйғәмбәр әләйһиссалам аллаһниң һузуриға йүксәлгән кечә болған «мираҗ қәндили» ниң 27 – феврал күни, рамизанниң хуш хәвәрчиси болған «бәрат қәндили» ниң 17 – март күни идрак қилинишидин кейин, «11 айниң султани», «һузур вә бәрикәт ейи» болған «рамизан» 2 – апрел күни башлинидикән.
қуран кәримдә «(шәрәп вә пәзиләттә) миң айдин артуқ» икәнлики байан қилинған «қәдир кечиси», «рамизанниң 27 – кечиси» болған 27 – апрелда идрак қилинидикән, һәмдә мусулманлар 2 – май күни «роза һейт» ни күтүвалидикән.
