«qiziqish» namliq charlash mashinisi marsta karbon izini bayqidi

türkiye awazi radiyosi xewiri: amérika alem qatnishi idarisi-nasa (NASA) «qiziqish» (Curiosity) toplighan chökme ewrishkiliride qizil pilanétada karbonning barliqini otturigha chiqarghanliqini élan qildi.

marsta karbon izining bayqilishi, buningdin ilgiri bu pilanétada mewjut bolghan hayatliq éhtimalidin bésharet béridighanliqi qeyt qilindi.

karbonning yer sharidiki hayatliqning asasi ikenliki melum, karbon dewriyliki karbon atomlirini yighiwélishning tebiiy jeryanini körsitidu.

yersharida karbon atomliri atmosféradin tupraqqa, tupraqtin atmosféragha qaytqanda bir dewriylikni bashtin kechüridu. amérika döletlik okyan we atmosféra bashqurush idarisining (NOAA) doklatigha qarighanda, karbonning köpinchisi tash we chökmilerde iken. qalghanliri déngiz-okyan, atmosféra we janliqlarda uchraydu.

yer sharidiki karbon atomlirining yighiwélish dewriyliki bilen biologiyelik hayatni körsitishi, tetqiqatchilarning marsta hayatliq bar-yoqluqini éniqlishigha yardem béreleydu.

nasaning charlash mashinisi «qiziqish» 2012-yili 8-ayda qizil planétadiki galé kréytér (Gale Krateri) gha qonghan idi.