erdoghan qatarliq rehberler alaeddin yawashjaning wapati munasiwiti bilen télégramma tarqatti

türkiye awazi radiyosi xewiri: jumhur reis  erdoghan özining twittérdiki adrésida télégramma tarqitip: «türk naxsha – muzikisining bayraqtari, muzikant we kompozitor pqroféssor doktor alaeddin yawashjagha allahtin rehim - shepqet tileymen, hemde uning aile – tawabiatigha, barliq mestanilirige hemde senet dunyamizgha teziye bildürimen. merhumning makani jennet bolsun» dédi.

uningdin bashqa jumhur reis yardemchisi fuat oqtay, türkiye büyük milliy mejlisi reisi mustafa shentop we medeniyet we sayahet ministiri mehmet nuri ersoy qatarliqlarmu ijtimaiy alaqe tori arqiliq alaeddin yawashja üchün teziye bildürdi.

xélidin buyan dawaliniwatqan 95 yashliq senetkar alaeddin yawashja bügün alemdin ötkenidi.

1991- yili dölet senetchisi dégen unwan bérilip mukapatlanghan yawashja ete istanbulda yerlikke qoyulidu.