мурат қарахан италийә чолпан чәвәндазлири ордениға еришти

түркийә авази радийоси хәвири: 2009-йилдин башлап дунйаға даңлиқ опера нахшичилири тәрипидин тәрбийәләнгән вә «италийәлик түрк» дәп тонулған қарахан, италийәниң әң муһим сәһнилиридә нурғун опера ойунлирида баш рол алған.

чәт әлдә түркийәгә шан-шәрәп кәлтүргән мурат қарахан, италийәдә наһайити аз кишиләргә берилидиған италийә җумһурийити чолпан чәвандазлири ордени билән мукапатланди. италийәниң әнқәрәдә турушлуқ баш әлчиси массимо гайани (Massimo Gaiani) әлчиханида өткүзүлгән мурасимда, қараханға италийә дөлитиниң орденини тәқдим қилди.

гайани мундақ деди: «мурат қарахан түркийә билән италийә оттурисида интайин муһим мәдәнийәт көврүки салди. у бу икки дөләтниң әң йахши баш әлчиси, муназирә тәләп қилмайдиған сәнәтчи. биз униңға италийә дөләт ордени тәқдим қилғанлиқимиздин толиму хушалмиз.»

италийә президенти сергийо маттарелла (Sergio Mattarella) вә баш әлчи массимо гайаниға италийә дөләт ордени үчүн миннәтдарлиқини билдүргән мурат қарахан, еришкән дөләт ордениниң икки дөләт достлуқиниң символи икәнликини ейтти.

у мурасимдин кейин тамашибинларға, италийә вә түрк нахшилирини ейтип бәрди.