yapon melikisi mako yatliq boldi

yaponiyede melike mako adettiki puqra oghul dosti komuro kéy bilen toy qildi.

1725214
yapon melikisi mako yatliq boldi

türkiye awazi radiyosi xewiri: kyodo agéntliqining xewirige qarighanda, impériye ishliri orgini, yapon melikisi mako we uning  oghul dosti komuro kéyning toy ishlirigha munasiwetlik qanuniy höjjetlerni munasiwetlik organgha tapshurghan.

resmiy höjjetler testiqlanghandin kéyin, her ikkisi 30 yashqa kirgen mako bilen komuro kéy toy qilghan.

melike mako,  puqra  oghul dosti komuro kéy bilen toy qilghandin kéyin, ismini yéngi tizimlash jedwilige «komuro mako» teriqiside tizimlatqan.

impériye qanunigha asasen, xelq sinipidin birige yatliq bolghan impériye jemeti ezasi ayal, xan jemetidiki salahiyitidin ayrilip qalidiken.

yaponiye impériye ishliri orgini, toy qilish arqiliq xan jemetidiki salahiyitini yoqatqan makoning, bir hepte ichide impériye nesebidin chiqirip tashlinidighanliqini jakarlidi.

igilinishche, özi turuwatqan impériye turalghusidin ayrilghan mako, amérika qoshma ishtatlirigha köchüp ketkenge qeder, yoldishi bilen birlikte paytext tokyodiki bir turalghuda turidiken.

 

melike mako, xan jemetidin ayrilghanda impériye ailisidiki ayallargha bérilidighan 150 milyon yén (1 milyon 300 ming dollar) pulnimu almaydiken.


خەتكۈچ: #yatliq , #toy , #melike , #yaponiye

مۇناسىۋەتلىك خەۋەرلەر